Coneue chose seit a toz ceaus qui sont et seront, que nos frere Harte- man de Helderunge, grant comandeor de la sainte maison de Thospital de nostre dame des Alemanz, tenant luec de maistre, et por le maistre et tot nostre convent, por nos et por toz noz successors avons receu en eschange et en non d'eschange a toz jors pardurablement de vos, monseignor Johan d'Ebe- lin, seignor de Baruth, por vos.et por voz heirs Casal Ymbert et le Fierge et le Quiebre o totes lor apartenances et devises et reisons et dreitures en casaus, en gastines nomees et en totes autres reisons et dreitures et franchises et justises et usages, qui as devant diz casaus apartienent ou apartenir doi- vent, si com il se contient ou previlege, que nos avons de vos de cestui eschange sauves les ii charruees francoises de terre que vos aves donees a 1'ospital. de saint Johan. Et por 1'eschange desus moti nos vos avons done et devons doner et paier en eschange et en non d'eschange a toz jors pardurablement xim be- zans sarracenaz chascun an bien nombrez et pesez au juste pois d'Acre fran- chement et quitemant sanz aucune meniere de redevance asenez a recevoir les

vos et voz heires et vostre commandemant en nostre tresor d'Acre par iii ter- mines de 1'an, c'est a savoir chascun iiii mais iiim vic lxvi et xvi karubles, les quels besanz le maistre qui est et toz ceaus qui apres lui seront maistres et nos et tot nostre convent et toz noz successors prometons et otroions et somes tenuz a vos le desus nome seignor de Baruht et a voz heirs et a vostre com- mandemant de rendre et paier les vos enteringnement par les termines desus establiz. Et se il avenist en aucune meniere, que aucuns des termines devant diz passast, que vos ne fussies parpaiez tant que Tautre termine prochien venant fust parfaiz, nos somes tenuz a vos et a voz heirs et a vostre com- mendement de vos parfaire la paie de deus termines ensemble et de vos doner m besanz saracenaz outre la paie a chascune foiz que ce avendreit. Et se il avenist, que nos tenissiens vostre paie tot enterignemant i1 an parfaitement, nos vous donons plain poer de prendre et recovrer les leus desus motiz o toz les amendemanz, que nos y auriens faiz, se il vos plaist, et aveir et tenir les leus di qui en avant a toz jors come la vostre chose demaine, et ce poez et devez faire de vostre autorite se volens sanz contredit et sanz deffense, que nos et noz successors y puissons ne doions metre en aucune meniere; et outre tot ce nos somes tenuz de vos parfaire la paie dou tens, qui a celui jor sereit passe. Et se il avenist, que le maistre qui est ou sera ou nos o nostre covent qui somes ou serons, ou aucun ou plussors de noz successors alesiens a Tencontre de ce, qui est desus escrit en tot ou en partie, nos somes tenus a vos et a voz heirs et a vostre commandemant d'amander et restorer vos toz les do- mages, que vos y auries, et de ce nos obliions nos et vos obliions et abando- nons toz les biens de nos et de nostre maison meubles et estables ou que il soient et quels que il soient, et vos donons plain poer por nos et por noz snccessors, que vos de vostre autorite et par la force et par la autorite de toz ceaus, qui vos i porront ou voudront aidier a vostre requiest et a vostre profit, o vos ou por vos puissiez et doiez et les autres por vos puissent et doivent nos constraindre a vostre profit et prendre sanz mesprendre noz biens et vendre ou faire vendre jusque a vostre parfaite paie et au restor dou damange, que vos de ce auriez eu par nos ou par noz successors ou par autre por nos, et toz les asenemanz et totes les paies, qui sont sus les leus desus motiz des- dons dou tens passe, si come vos les solies paier ou faisiez paier, et ce meimes, que vos donries ou aseneriez de ci en avant, toz doivent estre contez et paiez en la soume et de la some des xim besanz devant diz en tel meniere, que por pestilence ne por faute ne por force ne por domage, que Sarasins ne autres gens faissent es casaus ne en la terre devant dite ne en lor rentes n'en autre leu dou reiaume de Jerusalem ne por rien qui aveigne ne avenir puisse, ne deit demorer, que nos et noz successors ne paions a vos et a voz heirs et a ceaus qui sunt ou seront asenez si come il est dit desus les xim besanz de- vant diz par les termines devises, sauf ce que vos le desus nome seignor de Baruht et voz heirs estes tenuz a nos le devant dit commandeor recevant en leu de maistre et a nostre convent et a noz sucessors de garentir et de def

fendre les casaus desus nomes et lor reisons et lor dritures dou seignor dou reiaume de Jerusalem et de toz ceaus et de totes celes, qui tendront la seigno- rie dou reiaume de Jerusalem, qui cristien soient ou qui seront en leu fre sei- gnor cristien, et de ce nos devez vos garder de touz domages sauf ce que se dreit seignor venist ou reiaume de Jerusalem, qui par reyson de reinast3 et conquest les casaus desus diz de vos ou de voz heirs ou les preist a force, que di qui en avant nos ne noz successors ne somes tenuz de rien paier des xim besanz desus motiz a vos ne a voz heirs ne a ceaus, qui sont ou seront asenez es leus devant diz, ne vos ne voz heirs n'estes tenuz a nos ne a noz successors de garentir ne de deffendre ne de garder nos de domage, qui nos avenist ou peust avenir par achaison de ce, que dreit seignor par reison de reinast et conquest les casaus desus diz si come il est desus devise ou les preist a force, et vos le dit seignor de Baruth et voz heirs nos devez garentir et deffendre encontre Tiglise de la disme, que 1'avesque d'Accre requiert des rentes des casaus et des les devant diz et nos en devez garder de toz do- mages, et se il avenist, que la crestiente perdist la cite d'Accre, dont dex nos gart et deffende, de tant de tens come Accre sereit en le main et ou poer des mescreans, nos, noz successors ne somes tenuz de rien paier a vos ne a voz heirs ne as asis de la some des xim besanz devant diz, et se dex rendist Acre as crestiens, nos et noz successors somes tenus a vos et a voz heirs et a voz commandemanz de paier chacun an les xim besanz devant diz perpetuelment ensi com il est desus devise et nos et nostre covent et nos successors somes tenuz a vos le devant nome seignor de Barut et a voz heirs que dedanz demi an apres ce que nostre maistre sera venu ou reiaume de Jerusalem ou qu'il i aura autre meistre, que il a la requeste de vos ou de voz heirs ou de vostre commandemant otreiera et confermera toz les covenanz desus escriz et vos en feira previlege de la tenor de cestui saele de plomb, et se ce demo- rast en la defaute de nos ou de nostre meistre, nos volons et otroions, que toz les covenanz desus escriz soient nuls. Et por ce que nos volons, que totes les choses toutes ensemble et chascune par sei soient a toz jors tenues et maintenues, fermes et estables, si que nos ne nostre covent ne noz successors , ou atre por nos en aucune meniere n'en puissens ne doiens en aucun tens aler a 1'encontre d'aucune chose fust en tot ou en partie, avons nos fait faire ce present previlege bolle de plomb et enpraint es dreiz coinz generaus de nostre devant dite maison o la garentie de noz freres, dont ce sont les nons: frere Rapol, 1'ospitalier; frere Gontier, le drapier; frere Friderich de Wida; frere Pierre de Covelence; frere Aymon, commandeor de Saiete; frere Conrat, le tresorier; frere Tierri Deste et plussors autres. Ce fu fait en 1'an de 1'in- carnation nostre seignor Jhesu Christ mcclxi a 1'entre dou mois de novambre.

III, 155 v. 1. i. e. = 1. 2. minast B.