Nicolaus etc. dilectis filiis magistro et fratribus hospitalis domus sancte Marie Theutonicorum lerosolimitani salutem et apostolicam benedictionem. Reducentes ad sedule considerationis examen, quod vos tamquam athlete do- mini pugilesque intrepidi nostri redemptoris obsequia in transmarinis partibus votis ferventibus prosequentes non dubitatis contra infidelium impetus exponere vos et vestra, dignum duximus et rationi consonum arbitramur, ut petitionibus vestris reserata benignius apostolice gratie ianua, quantum cum deo possumus, favorabiliter annuamus. Cum itaque, sicut habet vestre devotionis assertio, ad minus tertia pars omnium fructuum, proventuum et reddituum domorum et locorum vestrorum quommlibet consistentium citra mare ad partes terre sancte pro sustentatione fratrum vestrorum ibi degentium ac defensione terre predicte annis singulis destinetis, nos indignum et indecens reputantes, ut decimam per nos regni Sicilie subsidio deputatam de huiusmodi parte tertia persolvatis, vobis, ut de predicta tertia parte decimam solvere minime teneamini et ad eam solvendam compelli ab aliquibus non possitis, auctoritate presentium in- dulgemus. Nulli ergo omnino etc. Si quis autem etc. Datum apud Urbem veterem kal. marcii pontificatus nostri anno tertio.

Cum dato: apud Urbem Veterem kal, marcii p. n. a. 3. A. 16 p. 5 „Venetiis". — Cum dato: apud Urbem Veterem 10 kal. martii a. 3. A. 16 p. 50 .Baruli". — Transsumptum ad in- stantiam Henrici, praeceptoris dom. mansionis Panormitanao, facto manu Armanni de Munda, judicis per regnum Siciliae et notarii regii et archiepiscopalis, d. d. Panormi 1487 octobris 5, in archivo Regimontano.