Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, prepositis, decanis, archidiaconis, archipresbiteris et aliis ecclesiarum prelatis, ad quos littere iste pervenerint, salutem et apostolicam benedictionem. Dilecti filii.. magister et fratres domus hospitalis sancte Marie Theotonicorum Ierosolimitani nostro apostolatui sunt1 conquesti, quod quidam magnates, comites et alii nobiles in vestris diocesibus constituti de possessionibus, que ipsis a vivis sive de- functis racionabiliter conferuntur, pro suis expedicionibus et excubiis fa- ciendis vicesimam questam et exacciones ab ipsis indebitas extorquere pre- sumunt. Quocirca universitati vestre per apostolica scripta mandamus atque precipimus, quatinus iam dictos molestatores, ut ab huiusmodi molestatione1 omnino desistant et iura predictorum fratrum in aliquo ledere non presumant, monicione premissa per censuram ecclesiasticam appellatione postposita con- pellatis. Datum Laterani xiiii kal. februarii pontificatus nostri anno quinto.

Sinedato: I, 69 v.; II, 97 v. n. 26; A. 20 n. 26 Latine et Germanice; D. 25 Germanice. — Cum dato: A. 16 p. 41 „Baruli". 1. conquesti fuerunt II. 2. exaccionibus II. A. 20.