Gregorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, decanis, archidia- conis et aliis ecclesiarum prelatis, ad quos littere iste pervenerint, salutem et apostolicam benedictionem. Fratrum hospitalis sancte Marie Theutonicorum professio, sicut in scriptis eorum et privilegiis continetur, est talis, ut ne cui post factam professionem semel assumptam crucem dominicam1 et habitum ipsius abicere vel ad alium locum seu eciam monasterium maioris sive minoris re- ligionis obtentu invitis sive inconsultis fratribus aut eo, qui magister extiterit, liceat transmigrare nullique ecclesiastice secularive persone ipsos suscipere liceat vel tenere. Cum enim ipsi ad defendendam orientalem ecclesiam et pa- ganorum seviciam reprimendam relictis pompis secularibus dei sint servicio mancipati, si transeundi ad alia loca et sumptum habitum relinquendi daretur eis licencia, magnum ecclesie dei posset exinde contingere detrimentum; ideo- que universitati vestre per apostolica scripta precipiendo mandamus, ut, si quis ex ipsis in parrochiis vestris vel locis vobis commissis id attemptare presumpserit, tam ipsum quam qui eum ausu temerario retinere temptaverit omni occasione remota excommunicacionis vinculo innodetis. Datum Anagnie iiii nonas augusti pontificatus nostri anno primo.

I, 81 n. 61. Or. ex domo E(llingensi?) in archivo ordinis Theutonici Vindobonensi. Cf. n. 439. 1. supplevi. ,