Martinus episcopus servus servorum dei ad futuram rei memoriam. Ro- mani pontificis circumspectio provida nonnunquam gesta per eam, ne sub ignorancia facti regulari presertim ascripti castimonie vexacionibus adigantur indebitis, dilucidat dirimitque liberaminis ope condecentis, sicut rerum et temporum qualitate pensata id conspicit in domino salubriter expedire. Dudum siquidem, videlicet vii kal. februarii pontificatus nostri anno primo carissimi in Christo filii nostri Sigismundi Romanorum regis illustris devocionis merita, quibus erga deum et universalem ecclesiam presertim circa unionem eiusdem non sine magnis eciam personalibus laboribus et expensis claruerat et clare dinoscebatur attenta meditacione, pensantes propterea et ex certis aliis causis nostrum ad id animum moventibus matura cum venerabilibus fratribus nostris sancte Romane ecclesie cardinalibus super hoc deliberacione prehabita ac de ipsorum consilio necnon venerabilium fratrum nostrorum archiepiscoporum, episcoporum et dilectorum filiorum electorum, administratorum necnon abba- tum et aliorum de natione Germanica percepto beneplacito voluntatis ac eciam predecessorum nostrorum Romanorum pontificum et aliorum pro Romanis pon- tificibus habitorum circa hoc vestigiis inherentes decimam integram unius anni omnium reddituum et proventuum ecclesiasticorum in provinciis, civitatibus et diocesibus, terris et locis nacionis Germanice tocius provincie Treverensis nec- non Basiliensis et Leodiensis civitatum et diocesium sub Romano imperio consistencium dictorum cardinalium necnon sancti Iohannis et beate Marie Theotonicorum Ierosolimitani hospitalium personis, bonis, redditibus et pro- ventibus dumtaxat exceptis ab omnibus et singulis archiepiscopis, episcopis, electis, administratoribus, regularibus et secularibus ecclesiarum metropolita- narum et cathedralium exemptis et non exemptis in provinciis et civitatibus supra scriptis constitutis, prout eorum quemlibet concerneret, solvendam et auctoritate nostra per deputandos a nobis exigendam infra kal. novembris tunc proxime futuri in moneta in singulis partibus cursum habente et secundum constitucionem super talibus editam in concilio Wyeniensi ac in ipsius usus pro eius voluntatis libito convertendam imponentes serenitati sue de apostolice sedis munificencia per nostras litteras assignavimus, concessimus atque donavimus, non obstantibus exemptionibus, immunitatibus, privilegiis et

aliis quibuscumque gratiis et concessionibus quibusvis archiepiscopis, epi- scopis, electis et administratoribus huiusmodi seu eorum ecclesiis communiter vel divisim cardinalibus, hospitalibus, personis et bonis prefatis dumtaxat exceptis per sedem apostolicam aut alias quovismodo concessis, eciamsi de illis eorumque toto tenore de verbo ad verbum in dictis litteris habenda foret mentio specialis, que ipsis quoad hoc nolumus in aliquo suffragari, prout in ipsis litteris plenius continetur. Cum autem, sicut exhibita nobis nuper pro parte dilectorum filiorum magistri et fratrum dicti hospitalis beate Marie peticio continebat, licet in litteris ipsis, que generali Constanciensi vigente concilio con- * cesse fuerunt, eiusdem hospitalis beate Marie persone bona redditusque et pro- veritus excepta fuerint, ut prefertur, an tamen ecclesie et alia loca ecclesiastica ipsi hospitali beate Marie canonice appropriata sive unita, ab illo quoque de- pendencia et ei subiecta sub predicta exceptione comprehendi et per consequens ab huiusmodi solucione decime libera et exempta censeri debeant ab aliquibus hesitetur; nos itaque in litteris eisdem, quod concessio ipsa huiusmodi eccle- sias et alia loca includere debeat, minime contineri attentius recensentes, eorundem quoque magistri et fratrum, qui secularia abnegantes desideria pro fidei tuicione orthodoxe sanguinem proprium exponere non formidant, gravia quoque propterea dietim labores perferunt et onera statui et indempnitatibus in premissis oportune providere volentes ad omne super hiis ambiguitatis tol- lendum dubium ecclesias et loca huiusmodi ubicumque sita illorumque personas cum omnibus rebus et bonis necnon iuribus et pertinenciis eorundem, in qui- buscumque consistant et undecumque proveniant, sub huiusmodi excepcione comprehendi debuisse, atque debere et ad solvendum sive prestandum quid- quam racione imposicionis ac litterarum huiusmodi minime teneri nec ad id aliquem ex dictis magistro et fratribus et personis eciam racione ecclesiaruril et locorum predictorum sive alicuius eorundem a quoquam quavis auctoritate compelli posse, omnes preterea processus necnon excommunicacionum, suspen- sionum et interdicti sententias, censuras ecclesiasticas atque penas, quos haberi vel promulgari necnon totum id et quicquid fieri contigerit pretextu litterarum earundem contra magistrum, fratres, personas, ecclesias et loca huiusmodi sive illorum aliquod nullius firmitatis vel momenti existere decernimus per pre- sentes, non obstantibus^ premissis ac aliis contrariis quibuscumque. Nulli ergo omnino hominum liceat hanc paginam nostre constitucionis infringere vel ei ausu temerario contraire. Si quis autem hoc attemptare presumpserit, in- dignacionem omnipotentis dei et beatorum Petri et Pauli apostolorum eis se noverit incursurum. Datum Florencie iiii idus aprilis, pontificatus nostri anno secundo.

IV, 240.