Fredericus dei gracia Romanorum imperator1 semper augustus, Ierusalem et Sicilie rex. Gratum offertur altissimo nostre liberalitatis obsequium et in retributionis eterne merito3 digna nobis recompensatione servatur, cum muni- ficenciam nostram ad loca divino cultui deputata porrigimus et ipsorum com- moditatibus providemus. Inde est igitur3, quod, cum frater Hermannus ma- gister hospitalis sancte Marie Theotonicorum4 in Iherusalem, fidelis noster, celsitudini nostre humiliter supplicarit, quatinus quandam terram incultam

curie in territorio civitatis nostre Acconis, de qua nulla curie proveniebat utilitas, subscriptis circumadiacentem5 finibus de orto videlicet Acconensis episcopi usque ad6 [terminos terre Ianuensium] turrim sancti spiritus et alio latere de via, que ducit ad Sapbet7, usque ad fluvium eidem hospitali sancte Marie Theotonicorum4 concedere et donare de nostra gratia dignaremur; nos attendentes grata et devota servitia dicti magistri et8 qualiter ipse et ceteri fratres predicti hospitalis in personis et bonis eorum sint9 ad nostra servicia expositi et parati, quia10 potenter et viriliter ad ho- norem crucis in partibus Syrie inimicis fidei se opponunt"; considerantes in- super, quod alie terre curie nostre inculte predicte terre contigue simili exemplo poterunt laborari et fieri nostre curie fructuose", ad supplicacionem eiusdem magistri predictam terram prenotatis finibus designatam memorato hospitali sancte Marie Theotonicorum4 in Ierusalem de munificencie nostre gracia perpetuo concedimus et donamus. Ut autem hec nostra concessio eidem hospitali conservetur omni tempore inconcussa, presens privilegium fieri feci- mus et bulla aurea typario nostre maiestatis impressa iussimus insigniri. Huius autem rei testes sunt: Balianus dominus Sydonis; Oddo de Montebeliardo, regni Ierosolimitani conestabulus; Warnerus Theotonicus; frater Terrisius, pre- ceptor domorum hospitalis sancti Iohannis in Apulia; Zacharias senescalcus Antiochenus; Thomas comes Acerranus; Manfridus marchio Lanza; Berardus comes Loreti; Ricardus camerarius et alii quam plures. Acta sunt hec anno dominice incarnationis m° cc° xxx° i° mense decembris quinte indictionis, impe- rante domino nostro Frederico dei gratia invictissimo Romanorum imperatore semper augusto, Ierusalem et Sicilie rege, anno imperii xii°, regni Ierosoli- mitani vii°, regni vero Sicilie xxx° iiii° feliciter. Amen. Datum Ravenne anno, mense et indictione prescriptis.

I, 19 n. 30, et iu Conradi regis confirmatione de 1243 decembri I, 47. Confirmationis Conradi IV de 1243 apographum saec. xv chartac. (R) mutilum in archivo Regimontano; contulit v. cl. Meckelburg. 1. imperator et B 2. 2. meritorio B 2. 3. deest R. 4. Theu- tonicorum B 2. 5. circumadiacentes B 1, circumiacentem R. 6. pro: terminos terre Ie- nuensium B 2 (Ianuensium R) turrim s. spiritus B 1. 7. Saphar R. 8. deest R. 9. B, R. 10. quam R. 11. opponant R. 12. et fieri fructuose curie nostre R. Excerptum sicut

et confirmationis et diplomatis ipsius dedit Duellius hist. ord. Th. pars II, 7, quod Huillard-Bre- holle3 IV, 278 repetiit.