Honorius episcopus servus servorum dei venerabilibus fratribus archi- episcopis et episcopis etc. salutem et apostolicam benedictionem. Res qui- dem ad nos omnino detestabilis et regulari discipline inimica pervenit, quod, cum quidam de fratribus vel professis hospitalis sancte Marie Theotonicorum Ierosolimitani diabolo instigante a voto et proposito ordinis sui resilientes re- licto religionis habitu de milicia Christi ad miliciam mundi redire nullatenus erubescant, quidam etiam1 animi levitate potius ducti quam zelo religionis accensi sine licentia magistri sui ad alium ordinem transire presumant; qui- dam vestrum de presumptione huiusmodi vigiles et studiosi existere et excessus corrigere negligunt eorundem, sed quosdam ipsorum ad miliciam secularem et nuptias transire et iuxta sue voluntatis arbitrium in seculari vita manere permittunt, propter quod prefato ordini multa scandala et detrimenta sepius provenire noscuntur, in quo utique et vos ipsi animarum vestrarum potestis periculum non modicum formidare. Nos igitur statum predicti ordinis inte- grum et illesum conservare volentes et tanti scandali materiam non valentes aliquatenus sustinere, universitati vestre per apostolica scripta mandamus atque precipimus, quatenus, si quos huius inveneritis vie viros, in synodis et con- ventibus vestris excommunicatos publice nuntietis, eis, inter quos illorum conver- satio esse dinoscitur, sub interminatione anathematis prohibentes, ut illos apud se retinere et eisdem communicare nulla ratione presumant, et hoc tam diu faciatis inviolabiliter observari, donec prefati viri ad se redeuntes reverti ad suum ordinem compellantur et votum, quod violaverunt, omnimodis observare. Datum etc.

Sine dato: II, 112 n.72; A.20 n.70 Lattnc et Germanice cum nota: in Buken. 1. enim II, A. 20. .