Nos Heinricus, dei gracia Bohemie et Polonie rex, Karinthie dux, Tyrolis et Goricie comes, Aquilegiensis, Tridentiue et Brixnensis ecclesiarum advocatus, ad noticiam universorum tenore presencium volumus pervenire, quod nos prede- cessorum nostrorum vestigiis inherere cupientes, illorum precipue, qui sacras religiones et pia loca suis favoribus et beneficiis extulerunt, omnes gracias, libertates et exempciones, quas clare memorie illustris quondam dominus Ul- ricus, dux Karinthie, predecessor noster, donavit et concessit suo privilegio ordini fratrum Theutonicorum in dominio nostro Karinthie, Carniole et Marchie, sicut provide, rite ac racionabiliter facte et concesse sunt, approbamus, rati- ficamus easque auctoritate presencium confirmamus, dantes presentes litteras nostro sigillo munitas in testimonium super eo. Datum Tyrolis anno domini millesimo trecentesimo vicesimo nono die iii° februarii indiccione duodecima.

VI, 357 v.