Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, archidiaconis, decanis, et aliis ecclesiarum prelatis, ad quos littere iste pervenerint, salutem et apo- stolicam benedictionem. Quanto dilecti filii, .. magister et fratres domus hospitalis sancte Marie Theotonicorum Ierosolimitani, propriis derelictis ferventius pro christianitatis commodo iugiter elaborant nec ponere pro fratribus animas reformidant, tanto ipsis in suis manutenendis iustitiis diligencius adesse nos con- venit, et eorum incommoditatibus paterna sollicitudine providere, ne, si fuerimus, quod absit, in eorum manutenenda iustitia negligentes, a Sarracenorum im- pungnatione, qui christianum nomen insufflant et fidelium effundere sanguinem moliuntur, desistere conpellantur et amplius adversus christianos eorum in- solentia convalescat. Cum autem prenominatis fratribus de indulgentia sedis apostolice misericorditer duxerimus indulgendum1, ut fructus ecclesiarum, que ad eorum donationem pertinent, assignato vicariis unde congrue valeant su- stentari et diocesano episcopo eiusque officialibus de suis possint iustifiis respondere, debeant in subventionem terre Ierosolimitane convertere; quidam episcopi, archidiaconi et decani, ad quos illarum ecclesiarum investitura per- tinet, clericos, quos iidem fratres idoneos representant, recipere pro sua volun- tate contempnunt, nisi easdem ecclesias clericis, qui de eorum mensa fuerint, seu aliis, licet minus existant idonei, largiantur, si vero iidem fratres, eas- dem ecclesias, prout desiderant, non assignant, ut libere possint redditus earum percipere, illos per longa tempora faciunt a divinorum celebratione cessare, ut sic fratres ipsi voluntates eorum exequi compellantur. Nos igitur tante predictorum fratrum incommoditati prospicere cupientes, ne tantam iacturam malitiose cogantur de cetero sustinere, universitati vestre2 per apostolica scripta mandamus atque precipimus, quatinus clericos idoneos, quos iidem fratres ad ecclesias suas vobis duxerint presentandos, ammodo benignius admittatis; alio- quin noveritis, quod ipsis auctoritate apostolica liberam indulsimus facultatem, ut fructus earundem ecclesiarum, donec predicta occasione vacaverint, in sub- ventionem3 Ierosolimitane terre convertere et illos valeant Ubere detinere. Pre

terea, quia quidam vestrum fratres ipsorum et eorum clericos contra privilegium sedis apostolice ipsis indultum, sicut dicitur, interdicere et excommunicare pre- sumunt, districtius inhibemus, ne ipsos fratres vel eorum clericos de cetero taliter interdicere et excommunicare aliquatenus attemptetis. Quod si ammodo, quod non credimus, fuerit attemptatum, eandem volumus sententiam non tenere. Datum Laterani xv kal. februarii pontificatus nostri anno v.

Sine dato: I, 66 v.; II, 91; A. 20 n. 5 Latine ct Germanice cum nota: Est in Goslaria vel Alsacia etc. — Cum dato: Laterani xv kal. febr. p, n. a. 5. IV, 183 v.; R. 1 e domo Nu- rembergensi. — Or. cum bulla filis sericeis appendente quondam Mergenthemi, nunc Vindobonae in archivo ordinis Theutonici. — Transsumtum de 1418 dec. 2 petente Iohanne de Hofheym, ordinis Theutonici syndico et procuratore, per Wernherum canonicum et officialem Herbipolensem factum in archivo Regimontano. Ed., sed male, Duellius in appendice p. 6 n. IV. 1. sedis apostolice sit misericorditer indultum A. 20. 2. vobis A. 20. 3. subvencione A. 20.