Je Johan d'Ybelin, seignor de Baruth, faz a saveir a toz ceaus qui sont et seront, que je ai eu et1 receu de vos, frere Harteman de Helderungen, grant commandeor de la maison de 1'ospital de nostre dame des Alemans ou reiaume de Jerusalem et tenant leuc de maistre, et de vos, le covent de cele meimes maison, vm bezans sarracenas au pois d'Accre bien nombres et bien peses por lo toron, qui est nome Ahmit, qui est en la montaigne de Baruth, et por les casaus et les gastines et la terre et tot ce qui est entre le flum del Damor et le ruisel ou flum devers la terre de Baruth, qui sort des fontaines, qui sont en montaigne de Baruth, et au chief de son cors vient et chiet ou flum meimes del Damor et por les ii charuees francoises de terre, qui sont outre le ruisel o le ruisel et les fontaines meimes o totes tels apartenances et rei- sons et dreitures come il se contient ou previlege, que vos avez de mon don, les quels je ai done por mei et por mes heirs a vos et a vostre dite maison et a voz successors en aumosne perpetuel si come il se contient ou previlege, que vos avez de mei, qui fait mancion dou don et aumosne perpetuel, que je vos ai fait des choses desus dites. Et por ce que je veill, que chascun sache, que je ai eu et receu de vos, le devant dit grant commandeor, et de vos, le covent de la desus dite maison, les vm bezans desus diz por le don et aumosne, que je vos ai fait des choses desus dites si com il est desus devise, ai ge fait faire ce present previlege boller de plumb enpraint en mes dreiz coinz ge- neraus o la garentie des mes homes, des quels ce sont les nons: Balian de Mimars, Amauri Hardel, Johan de Gibelin, Phelippe de Retel, Johan Poilvi- lain, Gautier Mainebuef, et de plussors autres. Ce fu fait en 1'an de Tincar- nation nostre seignor Jhesu Crist mcclxi a 1'entree dou mois de novambre.

III, 107. 1. supplevi.