Gregorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, decanis, archidia

conis et aliis ecclesiarum prelatis, ad quos littere iste pervenerint, salutem et apostolicam benedictionem. Dilectorum filiorum fratrum hospitalis sancte Marie Theotonicorum Ierosolimitani professio, sicut in scriptis eorum et privi- legiis continetur, est talis, ut ne cui post factam professionem semel assumptam crucem dominicam et habitum ipsius abicere vel ad alium locum seu eciam monasterium maioris sive minoris religionis obtentu invitis sive inconsultis fratribus aut eo, qui magister extiterit, liceat transmigrare nullique ecclesiastice secularive persone ipsos suscipere liceat vel tenere. Cum enim ipsi ad defen- dendum orientalem ecclesiam et paganorum seviciam reprimendam relictis pompis secularibus dei sint servicio mancipati, si transeundi ad alia loca et sumptum habitum relinquendi daretur eis licentia, magnum ecclesie dei posset exinde contingere detrimentum; ideoque universitati vestre per apostolica scripta precipiendo mandamus, quatinus, si quis ex ipsis in parrochiis vestris vel locis vobis commissis id attemptare presumpserit, tam ipsum quam qui eum ausu temerario retinere temptaverit, omni occasione remota excommunicacionis vin- culo astringatis. Datum Anagnie ii kalendas septembris pontificatus nostri anno primo.

Cum dato: Anagnie 2 kal. septbr. p. n. a. 1. IV, 199 n. 11. originale cum bulla in filis sericeis appensa quondam Mergenthcmense in archivo ordinis Theutonici Vindobenensi. Trans- sumtum sub Iohannis, decani ccclesiae ss. Mariae et Georgii Francofurtanae ad Moenum, aucto- ritate et sigillo per Hermannum Manegolt de Cassel, clericum Moguntinae diocesis, publicum imperiali auctoritate notarium, scriptum et subscriptum; datum in Sassinhusen, 1385. febr. 17. in archivo llegimontano. Ed. Lilnig Teutsches Rcichsarchiv XVI, 82 n. 80. Cf. supra n. 428.