Notum sit universis tam presentibus quam futuris, ad quos presens pri- vilegium pervenerit, quod nos Girardus, sacrosancte ac primitive ecclesie montis Syon abbas humilis, totusque eiusdem loci conventus desiderantes utilitatem et comodum ecclesie nostre dedimus et tradidimus seu concessimus domui et fratribus sancte Marie Alamannorum quandam peciam terre sitam in territorio Accon in loco, qui dicitur Mons suspensorum, sub annuo censu habendam et tenendam in perpetuum et possidendam iure proprietario cum omnibus introi- tibus, exitibus et iuribus suis. Cuius confines sunt tales: ex parte orientis terra Templi, et ex parte occidentis rursum iardinum Templi, quod situm est prope cimiterium sancti Nicholay secundum indicationem signi nostri; et ex parte septemtrionis terra sancti Lazari de Bethania, et ex parte australi strata publica, ita tamen quod dicta domus hospitalis et1 magister et fratres ibidem pro tempore existentes tenentur dare et solvere per singulos annos in kalendis marcii pro censu eiusdem pecie terre supradicte ecclesie montis Syon abbati et conventui, qui pro tempore fuerint, de thesauro ipsius domus bisancios xx sarracenatos ad pondus Accon bene ponderatos et numeratos, tali videlicet conditione, quod, si magister et fratres dicte domus hospitalis aliquo tempore voluerint dare et assignare ecclesie nostre aliquem certum locum in Accon, de quo ecclesia nostra possit percipere et habere libere et quiete in perpetuum sine laboribus et expensis per unumquemque annum xx bisancios sarracenatos, nomine permutacionis pro dicta pecia terre ipsum accipere promittimus, et vi- ginti bisantios, quos pro censu ipsius terre ecclesie nostre annuatim tenentur de thesauro suo solvere, post contractum permutatiouis penitus remittere; per- mutatione autem facta et satisfacto nobis de loco competenti, in quo libere et quiete sine laboribus et expensis annuatim in perpetuum xx bisancios sar- racenatos ad pondus Accon recipere valeamus, nobis tenentur dicti magister et fratres litteras patentes sui capituli sigillo roboratas dare, in quibus dicta

assignatio et concessio dicti loci plenius contineatur, sicut superius est expres- sum et nos a simili dicta permutatione facta eisdem promittimus litteras nostri capituli patentes dare, in quibus plenius continebitur, quod nos dictam peciam terre, prout superius est expressum, eisdem dedimus et concessimus in per- petuum possidendam; et eisdem tenemur dictam terram garantizare, deffendere bona fide ad usus et consuetudines patrie seu civitatis Accon. Sane quod fu- tura providenda sunt, si dicti fratres hospitalis requisiti nobis defficerent in persolutione dictorum xx bisantiorum in termino supradicto, dictam terram non obstante aliquo contractu cum omnibus hedificiis et seminatis et plantatis tanquam nostram reciperemus. Ut autem presens privilegium ratum et incon- cussum in perpetuum permaneat, appositione sigilli plumbei capituli nostri necnon et testium subscriptione fecimus roborari, quorum vero nomina hec sunt: Bertrandus, dei gracia Cesariensis archiepiscopus; Radulfus, Acconensis episcopus; Iohannes, abbas sancti Samuelis; Guido, prior sancte Katerine, et alii quam plures. Actum Accon anno domini m° cc° xxx° ix° mense februarii.

I, 31 n. 70. Forsan anno 1240 adnumerandum. 1. supplevi.