Notum sit omnibus tam presentibus quam futuris, quod ego domina Bea- trix filia Galteri Ledur vendo et dono casale unum, quod vocatur Sapheth lo Cathemon et est in terra de Torono, cum omnibus suis pertinenciis et iuris

dictionibus libere et quiete omnibusque suis terris laboratis et non laboratis, plenis, vacuis, forestis, bosquis, domesticis et salvaticis, introitibus et exitibus, omnibusque suis iuribus et dericturis et aquis ac pertinentibus tibi fratri Lu- tolfo, magno preceptori nomine1 et vice et loco magni magistri sancte domus hospitalis beate Marie Theotonicorum de Ierusalem et fratfibus eiusdem domus precio bisanciorum sarracenatorum mille- auri, quos accepi et de quibus me quietam et solutam voco, ita quod xl bisantii sarracenati auri nomine census nostra comuni voluntate debeo habere in festo sancte crucis, quod est in medio mense septembris3, annuatim de thesauro vestro Accon. Quod si habere non possem ibi, ego et heres meus debemus ipsum habere, ubicunque domus vestra habere posset, sine aliqua contradictione. Et quicquid contingeret de dicto ca- sali vel aliquo impedimento, nichilominus debeo habere vel heres meus dictum censum omni tempore sine ulla contradictione. Possessionem et dominium de dicto casali et pertinenciis et omnibus supradictis tibi fratri Lutolfo recipienti pro dicta domo dedimus et tradidimus eo modo salvo censu, ut dictum est supra. Hec omnia dicta domina Beatrix fecit et autriavit consensu et volun- tate sue filie Margarite et Philippi Malgastel mariti eiusdem. Et nos dicta Margarita filia dicte Beatricis insimul cum marito meo, Philippo de Malgastel, nostra bona voluntate autriavimus predictam vendicionem cum censu statuto, ut dictum est. Et hec omnia facta fuerunt iussu domine Alis princesse et do- mine de Torono et in eius presencia et sue curie et hominum suorum vide- licet: Goffridus3, dominus Cayphe; Balduinus de Florito; Hugo de Tabaria; Gervasius de Malgastel; et de hominibus imperatoris: Balduinus de Pinkeingin; Nicolaus Antelmus; Iohannes Apertus. Ad huius rei perpetuam firmitatem et noticiam presens scriptum nos dicta Beatrix et Philippus de Malgastel predictus sigilli nostri munimine roboravimus. Actum in civitate Accon anno dominice incarnationis m° cc° xxx° vi° die x° intrante mense augusti.

I, 29 v. n. 65. 1. nc pro ne B. 2. Exaltatio s. crucis sept. 14. 3. sic nomina sequuntur in nominativo.