Honorius episcopus servus servorum dei venerabilibus fratribus archi- episcopis et episcopis etc. salutem et apostolicam benedictionem. Quanto dilecti filii, fratres domus hospitalis sancte Marie Theotonicorum Ierosolimitani, maiori religione et honestate preminent et contra christiani nominis inimicos graviori iugiter labore decertant; tanto et universis christianam professionem

tenentibus fervenciori caritate debent diligi et eorum iura ipsis propensiori sollicitudine conservari, ut, qui pro universorum salute extrema non dubitant experiri pericula, ab omnibus grata senciant incrementa. Inde est, quod uni- versitatem vestram monemus ac per apostolica vobis scripta mandamus atque precipimus, quatinus predictos fratres super elemosinis, que ipsis a dei fide- libus conferuntur, a nemine permittatis indebita presumpcione vexari, sed, si aliqui eos super hiis absque ordine iudiciario gravare presumpserint, ipsos, nisi1 commoniti infra triginta dies post commonicionem vestram destiterint, usque ad satisfaccionem condignam sublato appellationis remedio ecclesiastica sentencia feriatis. Datum Laterani xviii kal. februarii pontificatus nostri anno quinto.

Sine dato: I, 74; II, 108 v. n. 62; A. 20 n. 60 Latine et Germanice cum nota: „Et est in Mergentheym"; D. 61. — Cum dato: R. 43 inter Ellingensia 29, transsumtum per Iringum Herbipolensem episcopum (r. 1254 —1266); R. 76 inter Mcrgenthemensia n. 28. Originale quon- dam Mergenthemense, a quo appendens quondam bulla avulsa est, asservatur Vindobonae in ar- chivo ordinis Theutonici. 1. no I.