Bonifacius episcopus servus servorum dei dilectis filiis magistro et fra- tribus domus hospitalis s. Marie Theutonicorum Ierosolimitani salutem et apostolicam benedictionem. Dum paterne considerationis indagine perlu- stramus gravia personarum discrimina, iacturas innumeras et multimoda damna rerum, que dudum in civitate Acconensi miserabili plenaque doloribus captione Christi prosequentes obsequia pertulistis, dum etiam recogitamus attentius, quod vos pro defensione ac exaltatione fidei orthodoxe in Livonie ac Pruscie parti- bus cum inimicis christiani nominis in partibus ipsis degentibus constantibus animis non sine multo personarum periculo et multiplici bonorum dispen- dio dimicantes, gravia proinde subire oportet onera expensarum; dignum duxi- mus et rationi consonum arbitramur, ut vobis benignitatis et munificencie apostolice ianuam reserantes vos et domum vestram prerogativa specialis fa- voris et gratie prosequi studeamus. Volentes igitur vobis devotionis affectum, quem erga vos gerimus, ostendere per effectum et ad vestram dicteque domus relevationem benivolis studiis intendentes vos et domum ipsam ac hospitalia, domos, membra et loca sibi subiecta a prestatione decime ecclesiasticorum proventuum, quam carissimo in Christo filio nostro Carolo regi Sicilie illustri ad prosequendum negotium regni Sicilie duximus concedendam, de gratia exi- mimus speciali, vobis nichilominus indulgentes, ut nequaquam teneamini ad prestationem decime supradicte, non obstante, quod in litteris super decima ipsa concessis de ordine seu domibus vestris habetur mentio specialis. Uni- versas quoque excommunicationis, suspensionis et interdicti sententias contra huius executionis et concessionis nostre tenorem in vos et domum ipsam prolatas et quas in posterum promulgari contigerit, irritas decernimus et in- anes ac nullius prorsus existere firmitatis. Nulli ergo etc. Si quis etc. Datum Rome apud sanctum Petrum v idus februarii pontificatus nostri anno secundo.

E copiario A. 16, ubi p. 13 et 57 legitur, archivi Regimontani ed. in Liv1 . U. B. I, 703 n. 562. In eodem archivo extat etiam exemplar, d. d. Panormi, 1487 octbr. 5 ad instantiam Hen- riej, praeceptoris domus mansionis ibidem, per Armannum de ilunda, iudicem regni et notarium regium et archiepiscopalem, factum et subscriptum.