Gregorius etc. dilectis filiis magistro et fratribus hospitalis beate Marie Theutonicorum Iherosolimitani salutem et apostolicam benedictionem. Dum inter religiones alias, quas celestis agricola in agro plantavit ecclesie rigavit- que voce sue benedictionis et gracie, ut fructus producerent ampUores, religio- nem hospitalis beate Marie Theutonicorum Iherosolimitani, cuius professores experiencie militari studentes contra hostes fidei orthodoxe tamquam bellatores fortes et intrepidi dimicare, ut de militia terrena, quam gerunt, exercitui celestis aggregentur milicie, non metuunt, interne considerationis oculis intuemur, dignum et rationi consonum arbitramur, ut religionem eandem inter nostra et apostolice sedis precordia recumbentem oportunis prosequi favoribus et graciis

procuremus. Hinc est, quod nos vestris devotis supplicationibus grato con- currentes assensu, ad instar felicis recordationis Alexandri pape iiii, predeces- soris nostri, omnes libertates, immunitates ac indulgentias domibus fratrum hospitalis sancte Iohannis Iherosolimitani ab apostolica sede concessas, dummodo sint racionabiles et a iure non fuerunt1 revocate, domui vestre concedimus, et, ut eis utamini libere sicut illi, auctoritate presencium indulgemus. Nulli ergo omnino etc. Si quis autem etc. Datum Avinione xvi kal. iulii pontificatus nostri anno sexto.

Originale cum bulla in archivo Regimontano huc tandem e Cracoviensi, Varsoviensi, Be- rolinensi archivis delatum. Citatur in Inventario archivi Cracoviensis p. 72: „Gregorius papa XI instar Alexandri IV papae immunitates et indulgentias fratribus hospitalis s. Ioannis Hierosoli- mitani a sede apostolica concessas fratribus ordinis Teutonici b. v. Mariae communicat. Datum Avenione 16 kal. iunii pontificatus anno sexto". — Transsumtum datum 1380 tertia. die intrantis m. aprilis per Jiicolaum de Seligenstad, imp. aut. notarium, sub autoritate et sigillo iudicii epi- scopalis Spirensis, habetur in archivo Regimontano. Aliud transsumtum cxemplar d. d. Danzig 1426 martii 13 sigillo Bernardi, abbatis Olivensis, confirmatum, a notariis Ioh. Rosener et Valentino de Reddin subscriptum, ibidem. Ibidem exemplar datum Panormi 1487 octbr. .r) per Armannum de Munda,'notarium regni Siciliae etc. Editum in Livl. V.ii. 111,316 n. 1117. 1. sic.