Honorius episcopus servus servorum dei venerabilibus fratribus archi- episcopis et episcopis et dilectis filiis abbatibus, prioribus, archidiaconis, de- canis et aliis ecclesiarum prelatis, ad quos littere iste pervenerint, salutem et apostolicam benedictionem. Paci et quieti religiosorum virorum fratrum hospitalis sancte Marie Theutonicorum Ierosolimitani apostolica nos convenit sollicitudine providere et tam ipsos quam eorum bona tanto sollicitius a ma- lignorum incursibus et rapinis tenemur protegere, quanto pro fide christiani nominis se diuturnioribus exponunt periculis et adversus pravas et exteras na- tiones labores subeunt graviores. Inde est, quod tam fortes Christi athletas in suo sancto proposito volentes attentius confovere, ad defensionem sui solli- citudinem vestram duximus commonendam, ut magis ac magis possint ad pro- movendum propositum, quod sumpserunt, intendere, cum fuerint sollicitudine prelatorum' ecclesie a malignorum inquietatione securi. Monemus itaque uni- versitatem vestram atque precipimus, quatinus, si quando clerici vel laici par- rochiani vestri in aliquem predictorum fratrum capiendo vel de suis equitaturis deiciendo aut alias inhoneste tractando violentas manus iniciunt, huiusmodi

presumptores sublato appellationis obstaculo accensis candelis dilatione et occa- sione postposita excommunicatos publice nuntietis et tam diu faciatis sicut excommunicatos artius evitari, donec passo iniuriam congrue satisfaciant et pro absolutionis beneficio impetrando apostolico se conspectui representent. Eos vero, qui in predictos fratres manus non iniciunt violentas, sed eos verbis contumeliosis afficiunt et equitaturas aut alia eorum bona violenter diripiunt, si a vobis commoniti ablata eis restituere noluerint et de illatis iniuriis satis- factionem congruam exhibere, vinculo anathematis astringatis, quo ipsos usque ad condignam satisfactionem teneatis astrictos. Datum Laterani xvii kal. fe- bruarii pontificatus nostri anno septimo.

Sine dato: I, 74v.; II, 106v. n. 58; A. 20 n. 56 Latine et Germanice cum nota: Et est in Marpurg. Germanice D. 57. — Cum dato: Laterani xvii kal. febr. p. n. a. 7 ex originali quon- dam Confluentino nunc archivi ordinis Theutonici Vindobonensis cum bulla in filis sericeis appensa ed. Hennes Cod. ord. Theut. I, 68 n. 63. — Cum eodem dato: A. 16 p. 85 „Confluentie; eciam invenitur in Iuncis sub eodem papa". — In eodem archivo Vindobonensi specialiter haec epistola ad Moguntinum archiepiscopum, suffraganeos eius aliosquc provinciae istius praelatos sub dato (1223 april. 7) Laterani vii id. aprilis p. n. a. 7 directa. Cum codem dato: Laterani rii id. aprilis p. n. a. 7 ad Moguntinum archiepiscopum caeteros R. 71 inter Mergenthemensia n. 10. — Cumdato: Signie ii kal. aug. p. n. a. 8 ad Remensem archiepiscopum caeteros R. 127 inter Marburgensia, ubi ad- ditur: Item Gregorius papa IX de eodem de verbo ad verbum; R. 154 memoratur initium inter Iuncensia cum nota: „habetur prius in Marpurg de verbo ad verbum sicut est per eundem Ho- norium III ct Trevcren. pcr Innocencium IV. A. 16 p. 60 ,in Marpurg".