Sachent tuit cil qui sont et qui seront, que je1 Johan d'Ybelin, seignor de Baruth, doing et otrei et couferm a toz jors en aumosne perpetuel fran

chemant et quitemant sans servis et sans aucune meniere de redevance a vos, frere Herteman de Helderunge, grant commandeor de la sainte mayson de 1'ho- spital de nostre dame des Alemanz ou reiaume de Jerusalem et tenant leuc de maistre, et a vos, le covent de cele meimes mayson, recevant por le reli- gions et honeste frere Anne, honorable meistre de vostre desus nomee mayson, et por vos et por voz successors por le salu et la remission de 1'arme de mon pere et de ma mere et de mei et de mes ancessors por les granz bontez et servises, que vos et vostre devant dite mayson m'avez faites en plusors choses, un toron, qui est en la montaigne de Baruth, qui est nome Ahmud, et toz les casaus et toutes les gastines et tote la3 terre et tot ce, qui est entre le flum del Damor et le ruisel ou flum, .qui est devers la terre de Baruth, qui ist et sort des fontaines, qui sont en la devant dite montaigne de Baruth, et au chief de son cors vient et chiet ou flum del Damor meimes. Et outre celui ruisel devers 1'autre terre de Baruth vos doins et otrei ausi en aumosne per- petuel franchemant et quitemant ii charuees francoises de terre mesurees a la mesure selon 1'usage dou reiaume de Jerusalem et par einsi, que dedens ces ii dites charuees, qui sunt outre le ruisel, ne deit aveir casau ne gastine, et se les apartenances dou desus dit toron et des casaus et des gastines, qui sont entre le flum del Damor et le ruisel devant dit, s'estendent de la, ou le de- vant dit ruisel neist et sort en amont vers orient, vos le desus nome com- mandeor et vos le dit covent et voz successors deves aveir enterignemant celes apartenances desus dites, c'est a savoir de la en amont, ou le dit ruisel neist et sort, et les fontaines meimes, dont il nest et sort, o totes les reisons et les dreitures, qui a ceaus casaus et gastines, qui sont entre le flum et le ruisel, apartienent, c'est a savoir dedenz le flum et le ruisel et de la ou le ruisel sor en amont vers orient, en homes, en fames, en enfanz, en terres3 laborees et nOn laborees, en plains, en montaignes, en montees, en valees, en bois, en riveres, en aigues, en pasturages, en arbres, en vignes, en cortilz, en jardins, en fors, en molins, en bainz, en fluns, en rinsiaus, en pescheries, en justises, en dreitures, en chemins et hors chemins, et en totes autres choses, qui ci sont moties et non moties, qui au devant dit toron et casaus et gastines apar- tienent or doivent apartenir dedens les devises desus moties; des quex devant diz toron et casaus et gastines o les apartenances desus moties et les ii char- ruees francoises et le ruisel si come il sont desus devisez je, le devant dit J(ohan) d'Ybelin, seignor de Baruth, por mei et por mes heirs dessessisant mei de totes reisons et dreitures et seignories, que je ou mes heirs y avons ou aveir porrions ou toron et es casaus et en lor apartenances si come il est desus moti et es charrues et ou ruisel devant dit en ai mis et met desoren- dreit vos le desus nome commandeor et vos le devant dit covent recevant por le devant dit maistre et por vos et por voz successors en aumosne et en non d'aumosne perpetuel en saisine et en teneure et vos ai done et doing des- orendreit por mei et por mes heirs a vos et a voz successors plain poer de tenir et posseir le toron et les casaus et les charrues et le ruisel devant dit

o totes les apartenances desus moties et lor reisons et lor dreitures si come il est desus devise et de recevoir en les fruiz et les rentes et de tenir et user et de faire de ans et en aus fortereces et toz voz grez et voz volentez et vostre profit en totes choses si come en vostre aumosne et en voz autres pro- pres choses sanz chalogne et contredit et debat, que je ou mes heirs ou autre por nos y meissiens ou feissiens ou peussiens metre. Le quel don et aumosne devant dit, que je vos ai fait si come il est desus devise, je le devant nome J(ohan) d'Ybelin, seignor de Baruth, por mei et por mes heirs otroi et promet et sui tenuz a vos le devant dit commandeor et tenant leuc de maistre et a vos le devant dit covent recevant por le devant dit meistre et por vos et por voz successors de tenir et maintenir a toz jors mais ferm et estable et de' non aler a 1'encontre fust en tot ou en partie. Et por ce que je veill, que totes les choses desus devisees totes ensemble et chascune par sei soient te- nues et maintenues a toz jors fermes et estables, si que je ou mes heirs ou noz successors ou autre por nos par aucune meniere n'en puissiens en aucun tens aler a 1'encontre d'aucune chose ffust en tot ou en partie, ai je fait faire ce present previlege bolle de plomb enpreint en mes dreiz coins generaus o la garentie de mes homes, dont ce sont les nons: Balian de Mimars; Amauri Hardel; Jbhan de Gibelin; Phelippe de Retel; Johan Poilvilain; Gautier Maine- buef et de plussors autres. Ce fu fait en 1'an de 1'incarnation nostre seignor Jhesu Crist mcclxi a 1'entre dou mois de novembre.

IH, 156 v. 1. sropplevi. 2. le B. 3. terre B.