Je Julien, seignor de Saiete et de Beaufort, faz a savoir a toz ceaus qui sunt et qui avenir sunt, que je doing et otroi et conferme a frere Anne he- norable maistre de 1'hospital de nostre dame des Alemans en Jerusalem et as freres de cele meisme maison, qui sunt et serunt, en aumone perpetuel qui- tement et franchement por 1'arme de moi et de mon pere et de ma mere et de mes ancestres et por le bon servise, que le devant dit maistre et les freres m'ont fait, ma forteresse, la quele est apelee Cave de Tyron, et totes ses rai- sons, que je et mes heirs avons et avoir devons en cele desus dite cave. Et por ce que je vueil, que ceste miene aumone desus dite et cestui mien don

soient fermes et estables a toz jors mais au devant dit maistre et a ses freres en la maniere que il est desus devise et que je ne mes heirs ne autre por nous ne nul de nos sucsessors en aucun tens ne puissons aler a 1'encontre, ai je fait cest present privilege sceller de mon seel de plomb empraint en mez droiz coinz de ma seigniorie de Saiete avec la gareutie de mes homes, des quels ces sunt les noms: Johan de la Tor, conestable; Jofroi de Viliers; Hue de Viliers; Berteleme Monge. Ce fu fait en Saiete en 1'an de Tincarna- tion nostre seignior Jesu Crist m cc et lvi au quatorsime jor del mois de jenvier.

III, 161. Cf. Seriptores rerum Prussicarum I, 633.