Ut quod nostris gestum est temporibus firmum debeat et stabile permanere, tam modernorum quam posterorum omnium Christi fidelium noticie perscripta presentia transmittimus, quod quidam civis Patauiensis de familia sancti Nicolai Dietmarus nomine pro anime sue remedio quandam vineam suam in Liten tribus ecclesiis in Patauia videlicet sancti Stephani, sancti Nicolai et sanctę Marię ad communem usum ordinavit tali modo, quod in anniversario obitus sui die canonicis chori talentum unum et conventui in sancto Nicolao talentum unum et conventui sanctę Marię talentum unum, filię suę Wiradi talentum unum et pauperibus talentum unum in elemosinis erogandum de eiusdem vineę proventibus annuatim persolvatur. Preterea duo talenta ad vineę culturam ordinavit expendenda et q[uo]m[inus] de eisdem proventibus pars superest istis septem talentis equipollens vel melior; ad huius administrationis curam eligendus est unus ex canonicis chori, de cuius non dubitetur prudentia, quin provida sollicitudine ita disponenda disponat, ut de perceptis usibus ita ordinet, ut, si vinea dicta anno aliquo in fructu suo iuxta consuetum non respondeat, ipse tamen septem prenominata talenta nichilominus exolvat de superhabundante commodo suo, quod precessit censum, qui statutus est, redditurus.

Huius rei testes sunt:

Heinricus iudex,

Heinricus et fratera eius Ekkehardus de Uurtb,

Willehalmus de Lapide,

Ǒlricus Prencingær,

Engelbertus filius Madelwinic,

Vo  zzo,

Dietmarus de Chramæressteine,

Livthardus nepos eiusdem Dietmari,

Arnoldus pulsator.