In nomine domini Amen. Universis tam presentibus quam futuris presentem paginam visuris et audituris Johannes plebanus seu rector ecclesie sancte Columbe Colouieusis iu perpetuum cognoscere veritatem. Inter opera caritatis illa in conspectu dei pulchrius elucescunt, quibus circa pauperes et egenos presertim senio, debilitate corporis, inopia et verecundia depressos, qui sibi iam victum querere nequent, opera misericordie libcraliter a christifidelibus adimplentur, dicente domino: quod nni ex minimis meis fecistis, michi fecistis. Sane viri prudentes et honesti officiati domns officiatorum parrochie sanctorum apostolornm Coloniensis pie considerantes, quod in eadem parrochia sunt et a longe retroactis temporibus fuernnt quinquaginta egeni, qui do- mestici pauperes appellantur, ad domum et elemosinam sancti Spi- ritus pertinentes utriusque sexus homines, quorum inopia largitione elemosinarum christifidelium sublevatnr, ex quibus dum aliqui ceci- derint per aliorum subrogationem predictus numerus reformatur per- petuis temporibus duraturus. Ideoque cum aliquos ex eisdem panperibus frequenter contingat tanta inopia tantaque debilitate corporis pregra- vari, ut neque tugurium, in quo requiescant, neque sublevantem se habeant neque se iuvare valeant, ideoque nisi eisdem pietatis remedio suscurratur, ipsi negligenter et miserabiliter extinguuntnr, ad honorem dei eiusque genitricis beate Marie virginis gloriose unum hospitale de duabus domibus sitis super novum forum in cono inter monasterinm sancte Gertrudis ex uno latere et domum que vocatur Zudendorp ex alio, ex opposito ferri ecclesie sanctorum apostolorum predicte ad opns et conservationem eorundem pauperum duxerunt provide construen

527

dum, porro tamen predicte due domus, de quibus idem hospitale 1308 constructum est in parrochia nostra sancte Columbe predicta consistant et pauperes in eodem hospitali degentes non solum, ut temporalibus remediis foveantur, verum etiam spiritualibus ecclesiasticis sacramen- tis reficiantur, necesse habeant et tam propter distantiam hospitalis einsdem ab ecclesia nostra parrochiali predicta, quam propter debili- tates pauperum ipsius hospitalis ad eandem ecclesiam opportunis temporibus venire nequentium pericula gravia possent imminere, cum grave nimis esset, quod sacerdos dicte ecclesie sancte Columbe totiens et tam subito, quandoque sicut eorundem pauperum iufirmorum ne- cessitas exigerit, non obstantibus tenebris nocturnalibus vel aurarum tempestatibus seu quibuscumque contrarietatibus, oporteret ad hospi- tale predictum accedere ad ministrandum sacramenta ecclesiastica pauperibus antedictis: supplicaverunt nobis humiliter domini officiati predicti, ut sine preiudicio nostro ac nostrorum successorum et eccle- sie nostre predicte de auctoritate, licentia et consensu speciali reve- rendi patris domini archiepiscopi Coloniensis, quod in hospitali pre- dicto unum altare edificetur ac dotetur et sacerdos ydoneus, qui mis- sam in eodem celebret et pauperibus eiusdem hospitalis ecclesiastica sacramenta ministret, preficiatur, et quod debito tempore, dum ipse sacerdos requisierit, ad usus pauperum predictorum sibi sacrum oleum ministremus, et quod congruam sepulturam pro dictis pauperibus et illis commorantibus cum eisdem vel illis, qui resident in ipsis domi- bus, nomine eorundem constitnere valeant, consentire et annuere cu- raremus, hoc salvo, quod ne ius ecclesie predicte vel nostrum aut successorum nostrorum ledatur ex premissis, in signum dominii et sub- iectionis dictum hospitale solvet nobis et successoribus nostris nomine ecclesie nostre predicte singulis annis in perpetuum duos solidos dena- rioruiu Colonie pro tempore usualium nomine census, prout in schrinio et schartis [sic] officiatorum domus parrochie sanctorum aposto- lorum Coloniensis est conscriptum. Preterea medietas oblationum altaris dicti hospitalis in festo nativitatis domini, pasche et quatuor festivitatibus beate Marie virginis gloriose perpetuo cedet nobis nostris- que successoribus annuatim. Et magistri seu rectores dictorum officia- torum sanctorum apostolorum pro tempore existentes eligent sacer- dotem ad altare predictum, dum vacaverit, quem nobis et nostris successoribus presentabunt, enram animarum predictorum pauperum receptnrus et quem statim sine contradictione qualibet admittemus. Nos igitur plebanus predictus ad honorem dei et virginis gloriose pensata in hac parte utilitate ecclesie nostre predicte et nostra ac successorum nostrorum dictorum ofticiatorum supplicationibus annuen-

528

1308 tes dummodo auctoritates, licentia et consensus reverendi patris do- inini archiepiscopi predicti biis accedat, quod altare predictum in dicto bospitali edificetur et dotetur et sacerdos ydoneus a dictis ma- gistris seu rectoribus officiatorum predictorum eligatur et nobis pre- sentetur, qui a nobis et nostris successoribus pro tempore curam animarum recipiat et idem altare officiet ac pauperibus eiusdem bos- pitalis seu illis cum ipsis manentibus in eodem ecclesiastica sacra- menta ministret et quod congrua sepultura pro dictis panperibus constituatur, salvis nobis et successoribus nostris ac ecclesie nostre prenotate censu perpetuo duorum solidorum et medietate oblationum dicti altaris in nativitate et pascha domini ac quatuor festivitatibus beate Marie virginis in signum dominii et subiectionis, ut est predic- tum, consentimus et concedimus ac testimonio presentium indulgemus. In cuius rei testimonium et perpetuam firmitatem presentes litteras super huiusmodi premissis confectas predictis officiatis et hospitali sigillis officialitatis curie Coloniensis et plebanatus nostri presentibus appensis tradidimus firmiter communitas.

Datum anno domini millesimo trecentesimo octavo, in vigilia as- sumptionis beate Marie virginis.

Aus dem Copiarium des Agueten-Hospitals, im Stadt-Archiv.