Vniuersis tam futuris quam presentibus presentem paginam in- specturis. Nos sculthetus, milites, Ciues ac vniuersi sub iurisdictione et iudicio Ciuitatis Bopardiensis constituti tenore presentium protesta- mur et manifeste cupimus esse notum, quod considerata vtilitate, commodo et bono communi inde prouenienti Nos cum Judicibus, sca- binis Ceterisque Ciuibus Coloniensibus compromisimus et concordaui- mus in hunc modum, quod nullus Ciuium Bopardiensium aliquem Ciuium Coloniensium existentem in Bopardia pro debitis aliquibus, nisi tantum principalem debitorem suum vel debitore defuncto proxi- mum heredem ipsius aut fideiussorem debitoris eiusdem trahere in causam poterit coram nostro iudicio aut debebit. Preterea si aliquis predictorum de Colonia habet causam contra aliquem ex nostris con- ciuibus, illi faciemus secundum sententiam scabinorum nostrorum iusticiam expeditam. Quam si facere tardaremus, predicti Ciues Colo- nienses pro defectu iusticie tribus vicibus per litteras suas nos mo- nebunt et etiam quarta vice exsuperhabundanti. Hoc facto poterunt nostros arrestare conciues uel pignora nostra capere et tenere, que tamen in certum locum ponentnr nec distrahentur, sed tenebuntur, quousque conquerenti fuerit satisfactum. Vt autem premissa omnia obseruentur a nobis, in testimonium eorumdem presentem paginam exinde conscriptam et sigillo Ciuitatis Bopardiensis sigillatam tradi- dimus Ciuibus Coloniensibus supradictis.

Source Regest: 
Quellen zur Geschichte der Stadt Köln Band II, Nr. 310. , S. 336