1239 In nominc sancte et indiuidue trinitatis. Ego Elisabet dei gratia Abbatissa totusque Conuentus sanctarum virginum in Colonia. Vni- uersis presens scriptum inspecturis eternam in domino salutem. Quo- niam multociens contingit, a filiis hominum diminui veritates, necesse est, vt que per eos fiunt, aliquantulo tempore duratura ne in obli- uionem aliquatenus deueniant, litterarum testimonio committantur. Inde est, quod ad noticiam tam futurorum quam presentium volumus peruenire, quod, cum Sophia relicta Gerardi dicti de Couoltsbouin affectuose a nobis sepius postulasset, vt fructus vnius prebende sibi ad tempus vite sue venderemus, quia durante gverra inter reueren- dum patrem nostrum C. Coloniensem archiepiscopum ex nna parte et Ducem de Lymburch et suos complices ex altera curtes Ecclesie nostre incendiis, rapinis et exactionibus adeo essent deuastate, vt propter defectum stipendiorum diuina non possent subsistere aliqua- tenus in eadem, nos vero pensato affectu, quem dicta S. circa eccle- siam nostram gerere videbatur, ex hoc iusuper spe concepta videlicet, quod eadem bona fide promisit, quod modis omnibus Ecclesie nostre intendere debeat promotioni, fructus vnius prebende pro certa summa pecunie de communi consensu sibi vendidimus, quoad uixerit, perci- piendos, ita videlicet vt in pane, vino, denariis, annona, pullis et omnibus, que sunt de corpore prebende, tantum singulis annis per- cipiat, quantum in ecclesia personaliter seruientes percipient annua- tim, post obitum suum annum gratie nichilominus habitura. Et vt hec rata permaneant, presens scriptum Ecclesie et nostro sigillis fe- cimus communiri.

Source Regest: Quellen zur Geschichte der Stadt Köln Band II, Nr. 199. , S. 208