In nomine domini. H(erimannus) dei gratia abbas totusque con- uentus s. Martini in colonia. Omnibus preseus scriptum inspecturis in perpetuum. Ut omnis ambiguitatis scrupulus tollatur a presentibus et futuris, ueritas illucescat, tenore presentium declarari uolumus uniuersis, quod nos domum quandam una cum stabulo eidem domui contiguo in parrochia s. Laurentii sitam in strata, que dicitur stez- zele, Heinrico cognomento Fachis et nxori eius Gertrudi ac eorum liberis iure hereditario in perpetuum concessimus possidendam, ea uidelicet conditione, quod dicti H(einricus) et G(ertrudis) et eorum heredes de dicta domo singulis annis in natiuitate domini II marcas ecclesie nostre et vi denarios pro censu, qui dicitur houecuns [sic], kamerario episcopi persoluent, sub tali pena, quod si infra mensem post dictum terminum prenominatum censum non dederint, elapso mense vI solidos Coloniensis monete de dimidio iornali uinee, quod habent in erpele, ad debitum censum pro pena snperaddent. Si etiam contingeret, quod absit, eandem domum incendio, uetustate uel aliquo alio infortunio deperire, nichilominns ipsi dictum censum de area prefate domus sub pena predicta ecclesie nostre persoluent. Si uero eam reedificare uel censum pre paupertate, quod absit, soluere non potuerint, predicta domus uel area et dimidium iornale in erpele libere et absolute ad nos reuertetur. Hoc quoque sciendum, quod sepe dictam domum, quando eis placuerit, in autentico officialium parrochie s. Laurentii sub forma, quam presens scriptum continet, possunt annotare. In cuius rei testimonium presens scriptum domini H(erimanni) abbatis et ecclesie nostre sigillis est communitum.

Source Regest: 
Quellen zur Geschichte der Stadt Köln Band II, Nr. 290. , S. 304