1234 H.1) dei gratia prepositus totumque capitulum sanctorum Aposto- lorum in Colonia uniuersis hoc scriptum inspecturis salutem in Domino. Notum esse uolumus, quod nos domum nostram sitam in nouo foro, quam Witrammus inhabitauerat, cum area concessimus Bertramo et Sibille uxori sue hereditario iure possidendam, ita quod ipsi et suc- cessores eorum in perpetuum ecclesie nostre de eadem domo et area persoluant annuatim x solidos colonienses, medietatem in natiuitate domini et aliam medietatem in natiu. beati Joannis Baptiste. Si uero eadem domus incendio fuerit uel ruina destructa, idem B(ertramus) uel quicunque heredum fuerit successor pro tempore cum suis expensis eandem domum reedificabit, conseruabit eandem domum adeo bonam uel meliorem, quam ei concessimus. Insuper si pretaxatus census non fuerit plenarie persolutus post predictos terminos infra quatuor hebdomadas, idem B. uel quicunque eius successor fuerit, cadet a iure, si quod habebat in domo et area memorata. Et ecclesia poterit de eadem domo et area, pront sibi placuerit, ordinare; sciendum2) etiam, quod murus, qui est inter hanc domum et Henrici, immediate ad dictum B. et suos successores cum predicta domo et area debet pertinere. Ad maiorem autem firmitatem et euidentiam presentem cartam conscrip- tam sigillo ecclesie nostre fecimus communiri.

Source Regest: 
Quellen zur Geschichte der Stadt Köln Band II, Nr. 143. , S. 158