Henricus dei gratia dux Lotharingie ac Brabantie. Vniuersis pre- 125] sentes litteras inspecturis salutem. Vniuersitatem uestram scire uolu- mus, quod mediante uiro nobili dilecto consanguineo nostro et fideli domino Ottone Comite Ghelrie inter nos et homines terre nostre ex parte una et ciues ciuitatis coloniensis ex altera usque in hodiernum diem sedata est omnis querimonia siue querela et amicicia perpe- tuata, ita scilicet quod ciues et mercatores colonienses undique in terra nostra et dominio cum rebus suis et personis eundo, redeundo atque morando sine calumpnia et arrestatione salui sint et securi, et econuerso homines terre nostre in ciuitate et libertate coloniensi, tam in aquis quam in terris, soluto theloneo debito et consueto. Item ordinatum est hincinde, quod in terra nostra, ubi ciues colo- nienses debita contraxerint, conuentiones seu pacciones fecerint, ibi- dem stabunt iuri et sententie scabinorum siue secundum legem patrie tractabuntur. Similiter et homines nostri de debitis suis, conuentioni- bus seu paccionibus in ciuitate et libertate coloniensi, nec occasione ipsorum debitorum, conuentionum uel paccionum, alter alterius res uel personas in ciuitate coloniensi uel in terra nostra accipere poterit uel arrestare. Ceterum si contingeret, quod deus auertat, quod reue- rendus pater dominus noster coloniensis archiepiscopus et nos discor- daremus, quod propter hoc dicta non impediretur ordinatio et con- cordia nec alter super alterum occasione ipsius discordie acciperet uel banniret'), verum remanerent hincinde tam in terra nostra quam in ciuitate coloniensi cum rebus suis et mercandisis absque timore sub bono conductu et securitate. Et ut hoc imperpetuum firmiter ob- seruetur, in testimonium et firmitudinem perpetue amicicie ordinationis predicte et sedationis discordie sigillum nostrum presentibus appo- suimus vna cum sigillis opidorum nostrorum de Louanio et de Bruxella.

') Die Handschrift hat: panniret.

20*

308

1251 Datum Louanii mense Decembri, anno domini millesimo ducente- simo quinqvagesimo primo. In die beate Lucie uirginis gloriose.

Nach dem Original im Stadt-Archiv. Die drei Siegel vorhanden; das von BriIssel zeigt den h. Michael und die TJmschrift: Ingesigele der Porters van Brusle; an dem Siegel von Lowen fehlt ein Stiick.