Innocentius dilectis filiis scolastico S. Gereonis, S. Laurentii, S. Brigide plebanis salutem et apostolicam benedictionem. Olim per nostras litteras vobis dedimus in mandatis, ut nobiles viros comitem terre Juliacensis, Hostadensis, de Monte, de Altena, de Gelrin et eorum complices Coloniensis diocesis, qui non solum dilectos filios Co- loniensis ecclesie capitulum quorundam fructibus prediorum, verum et ipsis prediis contra iustitiam spoliarunt, ad restitutionem debitam ablatorum cum satisfactione congrua de dampnis et iniuriis irrogatis per excommunicationis sententiam in personas et interdictum in terras eorum sublato cuiuslibet contradictionis et appellationis obstaculo co- geretis. Quocirca presentium vobis auctoritate mandamus, quatenus quoslibet huiusmodi mandati apostolici contemptores tali curetis ani- madversione puniri, ut de cetero pena docente mandatum apostolicum non contempnant et attemptare alii non presumant. Quod si non omnes.

Datum Rome apud s. Petrum Idus Marc. Pontificatus nostri anno nono.

Aus AbePs Konig Philipp der Hphenstaufe, p. 283.