Innocentius ete. civibus Coloniensibus. Sicut a domino factum est, 1247 quod quasi ex insperato persona non tam digna, quam dignissima, ad imperii fastigium est assumpta, ita credimus a domino esse factum, quod Coloniensis civitas, adeo famosa et celebris et quodam- modo in Theutonie partibus singularis, prout sui magnitudine, nobi- litate et potentia precellit alias civitates, sic in recipiendo et hono- rando personam ipsam, videlicet charissimum in Christo filium nostrum regem Romanorum illustrem, spontanea voluit, super quo vobis gratiarum multimodas actiones referimus, esse prior. Ex quo vos et sedem apostolicam ac eundem regem tanto vobis fortius obli- gastis, quanto per hoc dignoscitur ipsius regis processus feliciter dirigi, et status eius prospere sublimari. Cum igitur non incipientium sed usque in finem perseverantium sit corona, licet inter alios de virtute constantie et nomen habeatis et omen, quia tamen non nocet immisso subdere calcar equo, universitatem vestram rogamus, mone- mus et hortamur attente, in remissionem vobis peccamiuum imponen- tes, quatenus considerato prudenter, quod prudentum est, de virtute proficere in virtutem, sic in ipsius regis devotione firmitate incon- cussa et solita persistatis, quod proinde vobis favore apostolico et regio insimul accrescente, possitis apud Deum et homines de fide, perseverantia fidei non immerito commendari.

Source Regest: 
Quellen zur Geschichte der Stadt Köln Band II, Nr. 268. , S. 280