C. dei gratia sancte Coloniensis Ecclesie archiepiscopus et sacri imperii per ytaliam archicancellarius. Dilectis in christo filiabus uir- ginibus ac uiduis begginis in ciuitate et dyocesi Coloniensi degenti- bus Salutem et spiritus paracliti consolationem. Cum uoto continencie deo vos uoueritis seruituras, non decet uos grauioribus infestari ex- actionibus, quas professio paupertatis et pia spiritus paupertas liberio- ris gratie priuilegio uult gaudere. Ea propter, dilecte in christo filie, penuriosis uestris laboribus compacientes statuendo decreuimus, ut siue communiter uiuatis siue singulariter, prout uestre paupertatis modus exigit, de domibus siue laribus uestris nichil amplius pleba- nis et campanariis uestris teneamini exsoluere, quam quod communis consuetudo scabinorum seu quorumcumque aliorum secularium burgen- sium ciuitatis coloniensis exsoluit. Et siquis a uobis aliquid amplius exegerit, nolumus uos aliquatenus teneri. Si quam uero interdicti uel excommunicationis sententiam contra huius priuilegii tenorem in uos tulerit, eam decreuimus irritam et inanem. Nulli ergo omnino liceat huius nostre concessionis tenorem infringere neque vos deo deuotas mulieres super predictis aliquatenus molestare. Quod siquis diuine pietatis oblitus ausu temerario attemptare presumpserit, indignationem dei et nostram se nouerit incurrisse, ita quod si in sua pertinacia perstiterit, post legitimam ammonitionem, si laicus fuerit, ipso facto se sciat excommunicatum, si plebanus uel clericus a sui officii exse- cutione se nouerit esse suspensum.

Datum anno domini mcCxlvII.

Nach dem Original im Stadt-Archiv. Das Siegel grossentheils erhalten.

271