In nomine sancte et indiuidue trinitatis. Adolfus diuina fauente clementia Coloniensis archiepiscopus omnibus Christi fidelibus in per- petuum. Ex iniuncto nobis a deo pontificalis regiminis officio am- monemur, quicquid in uinea domini utiliter plantatum inuenerimus nostri assensus benignitate stabilire, ut et diebus nostris commissa nobis crescat ecclesia et honeste sollicitudinis posteris relinquamus exempla. Nouerit igitur uniuersitas Christi fidelium tam presentium tam futurorum, quod Petrus presbiter canonicus ecclesie beati an- dree in Colonia pie de salute anime sue in posterum cogitans de bonis sibi a deo collatis hospitale in platea, que schmirstrass dicitur, construxit et quibusdam bonusculis ipsum dotauit ea uidelicet ratione, ut in ipso hospitali deinceps pauperes Christi immo ipse Christus in membris suis susciperetur hospicio et tam in lectisterniis quam etiam in refectionibus pauperes domini in ipsa domo fouerentur et consola- tionem perciperent. Post hec uero quidam boni homines pium factum prefati Petri considerantes nichilominus de salute anime sue solliciti fraternitatem constituerunt et ipsam fraternitatem ad idem hospitale tradiderunt, ut et bona, que de ipsa fraternitate deo propitio iustis modis prouenirent, ad usus pauperum cederent et tanto maior in ipsa domo pauperibus consolatio fieri posset. Nos uero tam rationabile factum considerantes et ratum et inconuulsum esse uolentes confir- mamus prenominato hospitali auctoritate dei et nostra omnia bona, que a prefatis hominibus ad ipsum collata sunt, que nunc possidet uel deinceps deo propitio iustis modis possidebit. Ut autem hec pura et intacta in perpetuum conseruentur, presenti pagine ea curauimus commendare et sigilli nostri appositione communire statuentes, ut quicumque maligni spiritus suggestione seductus huic pio facto con- traire et iam dictam domum Christi in iure suo iniuste grauare uel molestare quoquo modo attemptauerit, indignationem omnipotentis dei et beatorum apostolorum Petri et Pauli neenon et nostram incur- rat et anathematis notam, nisi digne peniteat, incurrat.

Acta sunt hec anno dominice incarnationis mccii. Datum Colonie IIIL Kalendas Julii.

Nach dem Original im Stadt-Archiv. Das Siegel gut erhalten.