1219 Honorius episcopus servus servorum dei dilecto filio decano Tre- censi salutem et apostolicam benedictionem. CHm inter dilectos filios Guillelmum de sancto Antonio, Beneincasam matrem Johannis Zache et Martinam uxorem quondam Scarlacci cives Romani ex una parte et bone memorie Gerardum prepositum s. Marie ad gradus in Colonia et magistrum Johannem scolasticum Carpensem nuncios et procurato- res venerabilis fratris nostri Coloniensis archiepiscopi super debito de- cem et septem marcarum bonorum novorum et legalium sterlingorum, necnon dampnis, penis, sumptibus et expensis, que iidem Romani a predictis procuratoribus exigchant coram dilecto filio nostro G. tit. s. Anastasie presb. card., quem utrique parti concessimus auditorem, questio verteretur, tandem mediante et arbitrante cardinali eodem amicabilis inter eos composicio intervenit, quam ab utraque parte sponte receptam et adiecta pena quadraginta marcarum et iuramen- tis hinc inde corporaliter prestitis roboratam, sicut in eiusdem car- dinalis litteris plenius continetur, duximus confirmandam, tenorem litterarum cardinalis predicti de verbo ad verbum litteris confirma- cionis nostre inseri facientes. Volentes igitur composicionem tam sol- lempniter celebratam intemeratam a partibus observari, ne quod absit exiude incurrerent detrimentum, discrecioni tue per apostolica scripta in virtute obediencie districte precipiendo mandamus, quatinus com- posicionem predictam, sicut est auctoritate apostolica confirmata, fa- cias sublato cuiuslibet contradictionis obstaculo inviolabiliter observari, contradictores sive prefatum archiepiscopum sive alios per censuram ecclesiasticam appellatione postposita compescendo, nullis litteris ob- stantibus harum tenore tacito impetratis seu eciam impetrandis nec obstante constitucione concilii generalis, qua cavetur, ne quis ultra duas dietas extra suam diocesin ad judicium trahi possit.

Source Regest: Quellen zur Geschichte der Stadt Köln Band II, Nr. 63. , S. 90