Innocentius episcopus seruus seruorum dei. Dilectis filiis Judici- bus, scabinis et ceteris ciuibus Coloniensibus salutem et apostolicam benedictionem. Adeo semper fixa extitit uestra et progenitorum uestrorum in beati Petri fide soliditas et fidelitatis uestre ac ipsorum erga Romanam ecclesiam, matrem uestram, sinceritas comprobata, quod numquam fuit de uestra et eorundem constantia circa illam in aliquo hesitandum, qui semper alienorum uocibus precludentes audi- tum alterius quam pastoris et patris uniuersalis ecclesie uestigia nesciuistis, quapropter uotis uestris animo libenti annuimus et fla- granti desiderio a futuris uobis grauaminibus, quantum cum deo possumus, precauemus. Vestre itaque deuotionis litteratoriis precibus iuclinati auctoritate uobis presentium indulgemus, ut per apostolice

327

sedis uel legatorum ipsius litteras impetratas, per quas noudum sit 1252 processum, uel etiam impetrandas uniuersaliter uel singulariter pro quacumque priuata causa uel comuni extra Ciuitatem Coloniensem ad iudicium euocari aliquatenus non possitis absque speciali sedis eiusdem mandato plenam et expressam de uerbo ad uerbum faciente de hac indulgentia mentionem. Nulli ergo omnino hominum liceat, hanc paginam nostre concessionis infringere uel ei ausu temerario contraire. Siquis autem hoc attemptare presumpserit, indignationem omnipotentis dei et beatorum Petri et Pauli apostolorum eius se no- uerit incursurum.

Datum Perusii v. Id. Decembris. Pontificatus nostri anno de- cimo.

Nach dem Original im Stadt-Archiv. Das Plumbum vorhanden.