Wir Fridreich von gots gnaden Römischer kunig 7.c allen zeitn inerer des (reich« deest in orig.) herczng ze Osterrlch ze Steyr ze Kernden vnd ze Krayn , grafe ze TjtoI etc. bekennen, als wcylnt die hochgebornen fürsten herczog Ott um! herczng Albrecht herezogen ze Osterrich etc. vnser liebe vettern löblicher gedechtnuss den erbern geistlichen vnsern andechtign vnd getrewn den nachgeschriben preleten dreyzzig mos« eysen mit namen n dem abbt in Newnperg zehen mezz . Item n dem prior ze Gemnikg zehen mess. Item n dem prior ze Mawrbach auch zehen mess nderyeglichem zehen phundt phenning dafür jerlich auf vnserm gcricht vnd perkeh- berch im Eysenerczt verscbrilien vnd gegebn habent, als dann das die brief, so sy darumb von in habent, aigen- lich begriffent. Vnd aber wir dasselbe gericht getailet haben, also daz die Vorderperger ir selbs gericht nn hie- vor habent, darumb dann die Innerperger vnd sy ettwas missheilig vnd in irrnng sind gewesen, was ir yeglichem solher jerlicher gulte geburte zn beczalen vnd awsze- richten, dadnreh vns vnd den obgenanten preleten vn ser jerlich gulte ettlich zeit von in sind awsgestannden. Also haben wir vnser getrewn lieben Pernhartcn Kra- bastorffer vnsern rate, Sigmunden Roggendorffer vnsern lanndschreiber in Steyr vnd Wernhartn Fuchspcrgcr vn sern secretarien, darumb hinin in das Eysenerczt gesanndt vnd in ernstlich beuolhen sich darinne aygenlich zu. er kunden vnd zu ervarn vnd dann zu versuchn, ob sy die selben bed tail darumb mochtn geaynen vnd entscheiden. Dieselben vnser ret vnd senndtbotn habent ain solh Ord nung vnd entschaidung darumb mit derselben baider tail willen vnd wissen zwischen in beredt vnd betaidingt, als dann hernach aygenlich geschriben stect: Von ersten,

daz nu furbnsser den Vorderpergern die drewundzwain- czig phundt vnd siben Schilling achzehen phennyng, so dann jerlich von den gerichtshuben im Vordernpärg hinin in den Ynnernperg sind geuallen beleiben vnd darezn von irem gerichte sovil geben sullen, damit den vorge nanten preleten jerlich zu rechten zinstegen von in ge- raichet werden die dreyzzig phundt phenning oder die dreyzzig mess eysen nach innhaltung irer stifTturietie vnd sullen dann dieselben Vorderperger des benanten hub- gelts in den Innernpcrg znraichen nu hinfur von den In- nerpergern genczlich muzzig sein. Da entgegen so sul len nu hinfür die Innerperger jerlich ainem jedem vn serm n lanndschreiber in Steyr, wer dann der ye zu den zeiten ist zu vnsern hannden antwurttn vnd raichen, was dann von demselben gericht gebüret vnd vormaln gege ben ist worden, als dann von alter ist herkomenvnd sul len von den vorgenanten preleten vmb die obgenanten dreyzzig mess eysen auch genczlich müssig vnd ledig sein vnd darumb nicht mer von in aneruordert noch er- mont werden vngeuerlich. Vnd darauf so ordnen seezen vnd bestetten wir wissentlich mit dem brief die obgenant tayding vnd berednuss von denbemeltn vnsern reten vnd senndboten beschehen, vnd maynen vnd wellen, daz die von den obgenanten baiden tailn stet gehalten vnd gencz lich volfdrt werde, in mass als oben begriffen ist vnge uerlich. Vnd des zu vrkund geben wir yedemtail vnsern brief in gleicher lautt, mit vnserm kuniklichen anhan- gundein insigl. Der geben ist an freytag nach Sand Sco- lasticetag, nach Cristi geburde im vierezehenhundertisten vnd im cinundfunezigisten jar, vnsers reichs im aind- leften jare. —