Wir Fridrich etc. bekennen etc. das wir habn an- gesehn die getruen nutzen dinst, die vns der erwirdig Johann bisehoff zu Eystettn vnser fürst vnd lieber an- doch tig er getan hat vnd auch sein demütige bete, vnd habn darumbe mit wolbedachtem mut gutem rate vnd rechter wissen den burgermaister rate vnd burgern sein vnd seiner stifft statt Aistetten gegonnet vnd erlaubet, als daselbs gewonheit ¡st einen yglichen vbeltätigen mann , der nach dein rechten den tod verschuldt hat mit suben ayden im rechtn zu überwinden, das sy fun ff jar die nechstn nach datum diez briefs alle vnd yglich vbel- tätig vnd schedlich lewt als morder prenner felscher rau her diep vnd ander, die den tod nach dem rechten ver schulden, durch was geschieht oder vbeltat sich das be gibt, wa sich derselb rat zu Aistcttn oder der mererteil vnder in auf ir ayde eere vnd trewen erkennen vnd spre chen, das solich der statt Aistetten lannd vnd leuten heimlich oder offenlich schedlich leut sien oder ander vbeltat getan habn, darumbe sy nach dem rechtn an ir

leiben vnd lebn straffwirdig sien, das sy dann die vmb ir vntat straffen vnd bnssen mugen mit dein tod oder an ¡rem leib vnd gclidern nach gestallt vnd Verschuldung eins yglichn vbeltätign vnd als sich der vorgenant rat oder der raerteil vnder in ale vor steet sich des nach dem rechtn erkennen vnd bey soliciter ir erkanntnusz vr tau vnd straff sol es belibn vnd sy sollen der von aller- meniclich vnd einem ¡glichen wer der wer vnentgolten sein, doch so solln derselb rat zuAistettn by solichn vr teiln vnd erkanntnusz vnder in keinen sitzen noch spre chen lassen, der verdechtig oder argkwonig wider den ubeltâtign sey, sy solln auch in solichem strengen ge- richt alle vnd ¡glich allen zorn veintschafft hasz vnd anderr ir pinlicheit zu rugk legn vnd darinn allein got vnd das recht ansehn.

Mit vrkund sub pendent!.

Gcbn zn Wienn an fritag nach des heiligen crewtz- tag exaltationis anno 1446, vnsers reiche im gibenden jare.

Item den steten Aistettn Herried Bärching vnd Spalt in gemain zn glicher wise ale der obgeschribn brieff

stat einen brieff auch anhangend.

Anhang. König Friedrich IV. 1446, Dec. 21. _1447, Jänner 12. lxxxvii