Ich Plumel die Judin Maister Mürgkleins wittib zu Marchburg v(er)gich fur mich vnd all mein erben, vnd tun kund offennleich mit dem brief vmb den Gerichtsbrief vnd Behabbrief, So wir eemal(e)n auf des kristoff Gundram vleischhagker Burg(er) zu Marchburg, Egker mit aine Rechten erlanngt vnd Behabt haben nach ausweysung der selb(e)n Gerichtsbrief vnd Behabbrief die benan(ten) Gerichtsbrief vnd Behabbrief haben wir vbergeben vnd ingeant wurt wissennleich inkrafft des briefs, Dem Erb(er)n Micheln dregsler Burger zu Marchburg sein(er) hausfr(awen) vnd all(e)n jren erben, mit allen den Rechten eren wirden nuczen, krefften, pundten, vnd artigkeln so darzu gehorent vnd vns do lauttent das sew die nu furbas nuczen weyssen, vnd all(e)n jren frumen damit schaffen schull(e)n vnd mugen als mit and(er)m jrem aigenleich(e)n gut vnd zugleicher weys als wir selb(e)n von Rechts wegen wol damit hetten mugen getun darzu geb(e)n wir jn vns(er)n ganncz(e)n will(e)n angeuer Mit vrkund des briefs Besigelt(e)n mit des Erb(er)n Mertt(e)n des hecht(e)l JudenRicht(er) zu March burg aig(ne)m anhangundem Jnsig(e)l den Jch obgenante plumel die Judin mit vleise darumb gebeten hab jm vnd all(e)n seine(n) erb(e)n an schaden darzu bestett mit vnser(er) Judisch(e)n vnderschrifft Geben Nach kristi geburde in dem vir czehenhundert vnd zwayundvirczigist(e)n jaren ann freitag nach Sannd Jorgen tag אני החתומה אשה מודה ומודיע לכל כל הכתוב לעיל בכתבא רמאי זה רצוני ובקשתי נאו' פלימל בת מה''ר אהרון הקדוש ז''ל 1

Source Fulltext: Ulrich Seelbach (Univ. Bielefeld)