|1| (signum crucis) In nomine Domini. Anno millesimo ducentesimo tertio ab incarnatione domini nostri Iesu Christi, mense octubris, inditione septima, regnante domino nostro Frederico|2| Dei gratia serenissimo rege Sicilie anno septimo. Nos Girardus de Gualterio et Scibilia uxor qui, bona et grata voluntate |3| nostra, considerantes fragilitatem vite presentis te[...]ntes ad ea que pertinent ad salutem animarum pro redentione peccatorum nostrorum, |4| coram Robberto iudice et donno Roggerio atq[ue] Malgerio Pestello [mi]lite et aliis quam pluribus, dedimus et concedendo tradidimus omnia bona |5| nostra, mobilia et immobilia, que habemus et acquirere poterimus, Deo dante, tibi domino Robberto, venerabili priori Sancte Marie de Cripta, |6| recipienti ad partem eiusdem ecclesie, ea lege apposita ut sumus inde fructuarii in vita terrena utentes rebus iamdicte ecclesie datis et traditis, |7| salva rerum substantia, reddentes annuatim iamdicte ecclesie, pro retento rerum usufructu unam libram cere in festivitate sancte Marie. |8| Post obitum vero nostrum, omnia bona nostra tibi domino Robberto priori ad partem dicte ecclesie data et tradita, prefata ecclesia habeat et possideat et faciat |9| inde voluntatem suam, pena apposita quinque regalium. Si contra ea, que superius dicta et declarata sunt, venerimus vel removere quesierimus, |10| per guadiam quam inde tibi dedimus et mediatores nos ipsos posuimus. Hoc breve scripsi ego Henricus notarius iussu predicti iudicis. |11| (signum notarii)

|| (signum crucis) Ego Robbertus iudex. (signum iudicis)