||
(signum crucis) In nomine Domini. Anno millesimo ducentesimo duodecimo ab incarnatione domini nostri Iesu Christi, mense abrelis quintedecime indicionis, regnante domino||
nostro Oddone, Dei gratia invictissimo Romanorum imperatore et semper augusto. Nos Berardus, iudex et notarius [C]elani, castellanus Tocci et Sancti Martini, notum fieri volu||
mus vobis Toccensibus, illustrissimi Celanensis comitis fidelibus, predictum dominum comitem nobis per lict[era]s suas concessisse et in nos contulisse potestatem de rebus par||
ti puplice pertinentibus alienandi secundum quod in licteris suis eius sigillo signatis declaratur. Tenor autem licterarum talis est: Petrus, Dei et imperiali gratia comes Celani, ||
capitaneus et magister iusticiarius Regni Scicilie, universis hominibus Tocci et Sancti Martini, fidelibus suis, salutem et sincerum amorem. Fidelitati vestre grates referimus quia, sicut Be||
rardus, curie nostre iudex et notarius, dilectus fidelis et nuntius noster, nobis exposuit, de serviciis nostris iugiter solliciti estis et intenti, de quo, dante Domino, vobis curabimus ||
retribucione dignissima rexpondere, noveritis insuper quod, licet a primo cum eundem Berardum misimus ad partes ipsas, ei omnem auctoritatem contulimus, ut tamen expressis ||
vobis pateat voluntas nostra, volumus et sub obtentu gratie nostre vobis precipimus quatenus de cetero pro servicio nostro eidem in omnibus et per omnia intendatis et rexpondeatis sicut ||
persone nostre, sientes quod nos dona et statuta et quaslibet ordinaciones quas ipse fecerit ita ratas habemus et firmas tamquam si a propria persona nostra statuerentur. Et vos ita ||
ordinacionibus eius pareatis tamquam ordinacionibus factis a nobis et siatis quia non minus nos offenderet qui contra eius statuta veniret quam qui veniret contra statuta ||
nostra. Data Vayrani, undecimo, mense februarii, indictione quintadecima. Videntes itaque expertam probitatem et bonitatem tuam, Iohannes, venerabilis prior Sancte Marie de Cripta, et devotionem quam erga dominum ||
comitem semper habuisti et habes et te in melius in antea credimus habiturum, de qua rerum experimento certi sumus, tum pro multis serviciis que in agendis domini comitis nobis exibuisti ||
tum quia novimus quia dominus comes locis venerabilibus semper benefacere consuevit et dignum est ut de bono servicio retribucionem meritamconsequaris, coram Guillelmo, Oddone iudice ||
et Roggerio Umfridi et Yvone, dedi et per fustem remisi tibi abbati Ugoni, recipienti pro parte et vice eclesie Sancte Marie de Cripta, omne servicium siquod tenimentum quondam ||
Iohannis Rocche et Frederici fratris eius parti puplice facere consueverant et generaliter quicquid de ipso tenimento parti puplice pertinuit vel pertinere potuit, ita quod ipsa eclesia amodo ||
et semper ipsum tenimentum liberum et francum habeat et possideat et de eo faciat quod voluerit. Et si aliqua persona magna vel parva contra hanc nostram remissionem et franciciam ||
ausu temerario venire tentaverit, sciat se indignacionem domini comitis incursurum et preterea dececem solidorum regalium penam componat, medietatem domino comiti et ||
alteram medietatem eclesie. Quod ad utilitatem firmam eclesie et cautelam perpetuam ego prefatus iudex tibi Roberto notario scriptum hoc fieri precepi. (signum notarii)

||
(signum crucis) Ego qui supra Willelmus iudex. (signum iudicis)

||
(signum crucis) Ego supra dictus Roggerius Umfridi.

||
(signum crucis) Ego supra dictus Yvo.