90.

L-niversis presentes litteras inspecturis, abbas et conventus sancti Petri in Oudenborg, salutem et orationes in Christo. Noveritis, quod, cum inter nos ex una parte et viros religiosos abbatem et conventum sancti Bertini ex altera, super quibusdam decimis jacentibus in parrochiis de Coeklara et de Ichtenghem, coram cantore et magistro Auberto, canonicis sancti Audomari, officialibus Tor- nacensi et Remensi diutius esset litigatum; tandem proborum interveniente consilio, compromisimus sub pena centum marcharum parti observanti arbitrium a parte resiliente solvendarum, in virum venerabilem et discretum, magistrum Johannem , cantorem beati Donatiani, in Brugis, ita, quod ipse, inspectis privilegiis nostris, confirmationibus, probationibus et aliis rationibus, quas tam nos quam dicti abbas et conventus sancti Bertini coram ipso duxerimus proponendas, quantum vel quas decimas in predictis parrochiis percipere debeamus, distinguendo certis metis et terminis et de plano procedendo declarabit; et nos promittimus sub pena predicta, quod extra metas, quas ipse posuerit, nec per nos, ne�? per alios, de cetero decimas aliquas capiemus, sed contenti erimus in perpetuum portione sive decimis, quas ipse per Ordinationem suam sive per arbitrium no bis adjudicaverit. Item compromisimus in ipsum sub pena predieta, super causa ventilata inter nos et dictos abbatem et conventum sancti Bertini in curia Tornacensi etRemensi, super quibusdam decimis, quas abbas ct conventus sancti Bertini dicebant esse sitas in parrochia de Ettelghem, item quod ipse arbiter, inspectis actis, probationibus et aliis circonstantiis premisse cause, ordinabit inter nos et partem predictam, tam super principali quam super accessoriis omnibus, prout ei visum fuerit ordinandum; et nos promittimus sub pena pre dicta, quod quicquid predictus arbiter duxerit ordinandum super premissis, inviolabiliter observabimus in futurum. Et nos consentimus, quod officiates curie Remensis nos possint compellere per censuram ecclesiasticam ad omnia et singula ad prenotatam compromissionem spectantia per penam prescriptam firmiter obser- vanda. Dictus vero arbiter quodlibet articulum predicte compromissionis sigil

мм

latim poterit terminare. Dictum vero arbitrium infra octavam Petri ad vincula debet terminari, nisi de consensu partium terminus fuerit prorogatus. Si vero dictum arbitrium infra predictum terminum non fuerit terminatum, neque infra terminum de consensu partium prorogandum, quilibet ad suos judices, sicut prius, habebit recursum: volumus etiam et concedimus sub pena predicta, quod processus habitus inter nos et partem adversam coram dicto arbitro valeat, et quod ipse procedet in arbitrio, secundum ea, que acta sunt hactenus coram ipso. Datum et actum anno Domini millesimo ducentesimo quinquagesimo, in crastino beati Petri ad vincula.

Original. Sceaux enlevés.