132.

A tres excellent et poissant prinche, sen treschier et redoubte signeur, "ions. Philippe, par la grace de Dieu roy de France. Li vostres lui mles Henris, abbes de saint Bertin, en saint Ommer, honneur, reverence et vraie obeissance avoec accroissement de prosperite. Nous avons recheu vostres lettres contenans la fourme qui sensieut. Philippe, par la grace de Dieu roys de France, a nostre ame et feal labbe de saint Bertin, de saint Omer, salut et dilection. Comme les habitans de la ville de Poperinghes, dou teroir et des appartenences dicele ville en eus repentens des rebellions et desobeissances faites ou temps passe, par eus a nous et a nostre ame et feal cousin le conte de Flandres et a vous leur signeur sens moyen, se soient rendus et sousmis dou tout a nostre volente, et nous aient humblement supplie, que a ce nous les voulissiens recevoir; et nous enclinans à leur supplication les aions receus a ce, en enteution de punir, cor- rigier et faire justice de ceuz, par qui lesdictes desobeissances, rebellions et excez ont este fait. Pour ce est il, que nous fians de vostre loialte et de vostre diligence, vous mandons et commetons, que ces lettres receues vous en vostre personne vous transportes en ladicte ville, et en nom de nous , et pour nous receveis le seirement de euz et de cascun de euz par soi, lequel nous avons ja receu des eschevins de ladicte ville en la maniere qui sensieut, cest assavoir quil juerront, que desoresenavant il seront feal et loial a nous et a nos suc cesseurs roys de France, et garderont nostre personne, nostre estat, nostre honnour, nos drois et nostre souverainete envers tous et contre tous, qui puis sent vivre et morir, et obeiront a nous, comme a leur signeur souverain, et audit conte en tant comme a luy appartient, et a vous comme a leur signeur sans moien, tant comme le dit conte et vous et vos successeurs seres vrai obe issant a nous et a nos successeurs rois de France, ne ne conforteront, soutendront, ne aideront les rebelles et desobeissans a nous, audit conte et a vous, en quelque maniere que ce soit, aincois iceulz rebelles et desobeissens aideront de tout leur poir a prenre, punir, corregier et faire justice dyceulz par toutes

4SI

les voies et les manieres, que il pourront, et a iceulz ramener a vraie obeis sance; et ce que vous en aures fait et les nons des personnes, desqueles vous aures receu ledit serement, nous rapourtes sens delai par escript seele de vostre seel et des seeaus des equevins et coeriers de ladicte ville, ouquel escript la teneur de ces lettres soit encorporee. Donne en nos tantes a Har- dinfort souz Cassel, le xxviii jour daoust, lan de grace mil CCC vint et huit. Par le vertu desqueles lettres je me sui transportes a ledicte ville de Pope- ringhes, et ai recheu ou nom de vous le serement de tous les habitans diceli ville, du teroir et des appartenances, et de cascun aparlui, en le fourme et en le maniere, quil est contenu en vos dictes lettres. En tesmoignage de ce jai mis mon seel a ces presentes lettres. Et nousj Willaumes le Grave, Lamberts Godewin, Henris Bette, Jaquemes Selin, Bauduins le Hertre, Malfoures Wids et Francois Borghgrave, esquevin, et Symons Malin, Jehans de Wedde, David Boid, Jehans le Werf, Lambers de Proven, des Brisses le Dammere, Jehans Lodewic et Clais Lescot, corier, de ledicte ville de Poperinghes, avons mis nos seeaus a ces presentes lettres, avoec le seel de no treschier et ame signeur, monsigneur labbc dessusnomme, en tesmoignage des coses dessusdictes. Donne le samedi apres le saint Loeys, lan de grace mil CCC et vint et wit.

Original. Sceaux enlevés.