Alexander etc. Venerabilibus fratribus archiepiscopibus et episcopis ad quos littere etc. Suam ad nos dilecti filii. . magi- ster et fratres hospitalis sancte Marie Theutonicorum Ierosoli- mitan. querimoniam destinarunt, quod si contingat eosdem ius patronatus aliquarum ecclesiarum in vestris diocesibus aut deci- mas vel alios proventus ecclesiasticos ab illis ad quos pertinent legitime obtinere vel decimas redimere de manibus laicorum, vos quantumcumque sitis ab eis humiliter requisiti, ad hoc ve- strum assensum adhibere non vultis in grave ipsorum fratrum preiudicium et sui ordinis detrimentum, licet ipsi parati sint sufficientem cautionem prebere quod decimas ipsas de manu laicorum redemptas restituent ecclesiis in quarum sunt parro- chiis constitute quotiens eis fuerit de redemptionis pretio satis- factum. Cum autem dicti magister et fratres et alii de ordine ipsorum illa de causa potissime digni sint favoris gratia specialis, quia hospitalis officio ac defensioni terre sancte necnon fidei catholice in Livonie ac Pruscie partibus magnanimiter promo- vende cum omni diligentia et attentione desudant: universitatem vestram attente rogandam duximus et monendam per apostolica vobis scripta precipiendo mandantes quatinus circa dictos magi- strum et fratres pro divina et nostra reverentia benignum et benivolum dirigentes affectum, eis super premissis consensum vestrum quotiens opus fuerit liberaliter tribuatis, preces nostras et preceptum taliter impleturi quod exinde vobis gratie divine premium et favoris nostri proveniat incrementum. Datum Anag- nie, x. kal. decembr., pontificatus nostri anno quarto.

167