In nomine sancte et individue trinitatis. Engilbertus divina favente clementia sancte Coloniensis ecclesie archiepiscopus om- nibus, ad quos presens pagina pervenerit, in perpetuum. Cum hospitale sancte Marie Theutonicorum Ierosolimitan. ultra mare proficiat et citra, deus qui omnium merita pensat et mensuras similiter remetitur, intuens materne reverentie claritatem, dicte domui, ut apparet, gratiam continue propinationis impendit et labores illius in fructu multiplici amplificat et dilatat in germine honestatis. Nos igitur contemplantes, memoratam domum divina instauratione fulciri, patrocinium nostrum duximus impertien- dum eidem, ut ab ecclesia Coloniensi ad suas necessitates se gaudeat commoda gratiosa percepisse. De consilio itaque prio- rum et fidelium nostrorum perpetua elimosina concessimus fra- tribus domus prenotate, quod annuatim unam navim cum cen- tum vasis vini vel equivalentibus rebus oneratam per theolonia nostra super Rhenum constituta sine omni exactione solute et libere deducant. Ut igitur hec pia et salubris nostra concessio tam a nobis quam a successoribus nostris perpetuo firma et stabilis servetur, presentem paginam exinde conscriptam sigilli nostri impressione fecimus communiri. Acta sunt hec anno in- carnationis dominice m.cc.xxiiii. , mense augusto, tredecime indictionis.