Wir Ruprecht von der hoer mynnen, scheffln zo Cove- lentze, unde Styne sine eliche huysfrauwe dun kunt allen lu den unde bekennen uffintliche in dysme brive, dat wir umme unsen rechten urberlichen nutz hayn verkauft unde verkeufen in dysme brive byt gesamender hant unde byt eyme willen, vur uns unde vur alle unse erben, iunffrauwen Kunegunde von Nassauwe, dye da gildet unde intfeyt vur siich unde vur alle dye gene den sût besetzet oder giftget, zwa mark geldes guder werungen, dri hallere vur den pennync gezalt, alz zo Govelentze genge und gebe ist, dye wir unde alle unse erben der selber iunffrauwen Kunegunde un allen den sy id besetzet

408

oder giftget, erffeliche nude eweliche alle ierliche zo sente Martyns missen geben unde bezalen solen zo eyme rechtem ewelichem cynse, von unsme bachuse *), dat gelegen ist by unser frauwen kirchobe unde an unser waynungen unde unser hobereyden da wir ynne wanen, ummbe veyr unde zwentzich marc der vorgenanten werungun, dy sy uns gentzeliche unde zmale bezalt hayt unde dye wir in unsen urberlichen nutz gewant unde gekert hayn. Unde geloben in guden truwen vur uns unde vur alle unse erben uber dysen vorgeschrebin kauf werschaf zo doyne alzt recht unde gewende ist unde den sel ben kauf erffeliche eweliche unde ummer me stede veste unde unverbrucheliche zo handinne, ayn aller hande geverde. Zo eyme waren urkunde unde zo eyner gantzer stedicheyde, so hayn wir gebeden, dat dur briif besegelt ist byt ingesegille des werintliches gerechtes zo Covelentze, dat umme unse bede an dysen briif gehangen ist. Unde he by sint gewest ersame lude, her Hellewich unde Henrich Erkelyn scheffln zo Cove lentze. Datum xVi. die mensis maii, anno domini m.ccc.xl octavo.