Wir Saletin herre zu Ysenburch dun kunt allen den die disen brief sehent oder horent lesen dat wir umb unsen nutz un mit willen unsir elichen vrowen un unsir erben han gedan einen wechsil mit den geistlichen lüden dem . . commendur uu mit den brüdern des Thuschen husis zu Coblentz also dat wir in geben vier stücke landis die da sint gelegen zu Malindir enboven der vorgenanten herrén hove die unser eygen waren; dat eine lit nyden an dem wege an wangen, un haldit einen halben morgen; dat andire ist gelegen bi menen stucke von Ur- var, un heldit ouch einen halben morgen; dat dritte ist gele-

1) Obige urkunde ist mit der urkunde nr. 407 zusammenge heftet.

393

gen iiber dem wingarten uf Kalenberge; dat vierde ist gelegen uf Prindis wingart. Un dar umb hant uns die vorgenanten geist- lichen lude der . . commendur un die bruder wider geben echt stücke landis die da ligent uf Witersberch; der ligent sechse in Vlamers velt un die andirn zwei sint gelegen vor dem holtz uf Gunislar. Un wellen dat sie die vorgenanten vier stiicke landis besitzen un halden ewelich ane allerhande hindernisse als wir si han besessen biz an dise zit. Un zu einem urkunde aller diser vorgescrebenen dinge, dat die vaste un stede sin, so han wir Saletin vorgenant unser ingesigel gehangen an disen ge- genwertigen brief. Der geben wart uf sant Paulinus tach, in dem iare do man schreib von godis geburt dusint druhundirt un eins un drizich iar.