Wir Gerlach von gots gnaden des heilgin stuls zu Mentze ertzebischope des heilgin romschen richs in dutschen landen ertzcanceller bekennen offenlich mit dysen bryve, daz uns der commentur und covent des huses zu Covelentz dutsches ordens, unsir lieben andechtigen, bezalt und gewert hant sehshundert gulden von Florentze, die sie schuldig waren selgin Paulus von Lonstein. Derselbin sehshundert gulden sagen wir sie von unsern des egenanten Pauls erbin wegin quiit letig und los mit dysem bryve, undir unserm ingesigel daz her ane zu urkunde ist gehangen. Datum Eltevil, feria tercia proxima post domi nicam misericordia domini, anno domini m.ccc.l nono.