Ich Wigant Hurler und Girtrud myne eliche huysfrauwe dun kunt allin ludin und bekennen uns uffenliche in disem brive, das wir enphangin han overmitz dusin bryf vor uns und alle unse erven umb dye erberen heryn den commenduyr und dye bruder gemeynlichen des Duytzchinhusis zu Covelenze er- feliche und ewelichen eynen wingart, der gelegin ist in deme Hartlende, da an eyn siten Clays von dem Putze eynen win- gart by ligende hayt, umb eyne mark Brabentz godis geldis, dri haller vor ye den pennynck gezalt, als zu Covelenz genge und gebe ist, dye wir alle iair gebin solin den vurgenanten heren zu sente Mertins missin. Und des han wir den selven herin zu rechtem underpande gesat unse huys, dat gelegin ist zu Leye in dem dorf an der stat dat geheysin ist uf der Mit- tilgassen, und gyit dem kyrcherin zu Leye veyr schillinge und Heynzen Wellin von Covelenze zwey veyrtil cius ierlicher gulde, da an eyner siten des husis Iohan Hurler und an der ander siten Stine Hurlers huys by ligende hant. Auch ist gereyt, were it sache dat wir in den cins nit ingebin uff dye vurge- nante ziit und uns da myde sumden, so solint dy egenanten

Urkundenbuch des deutschen Ordens. 27

418

herin sich an dat huys und an den wingart haldin und iren cins dar uff machin byt al dem rechte als der scheffin wisit dat it recht ist, alle ergelist und geverde zumale uszgeschey- din. Und des zu eyner vester stedirheyde ist der gemeyne scheffen und des gerechtis zu Leye ingesigil an dysin bryf ge- hangen von bede des vurgenanten Wigandis und Girtrude. Des wir Iohan Metzpennynck und Herman Kornegin scheffen gheen dat it wayr ist. Datum feria sexta post dominicam qua canta- tur in ecclesia sancta misericordia domini, anno eiusdem

M.CCCLxI.