263

Fridericus comes de Liningen necnon filius noster Fridericus. Noverint universi tam presentes quam posteri presencium in- spectores, quod nos de bona voluntate nostra et communi con- sensu iuste venditionis titulo vendidimus . . commendatori et fratribus domus hospitalis in Confluencia, ordinis sancte Marie fratrum Theutonicorum hospitalis Iherosolimitani, advocaciam nostram seu iurisdictionem quam habuimus vel habere videba- mur in marca seu terminis ville Iberensheim cum omni utilitate et dominio quesito et non quesito tam super bonis ipsorum fra- trum quam aliorum, sive sit de iure, de consuetudine vel de facto, cum salmone et omni utilitate in Rheno et in aquis in terminis dicte ville pro ducentis libris hallensium numerate pe- cunie, nobis ab ipsis persolute necnon in usus nostros utiliter converse, in perpetuum ab ipsis et eorum successoribus pro- prietatis titulo possidendam. Quod si processu temporis predicta advocacia seu iurisdictio a nobis evinceretur tanquam feodum quod non speramus, et ipsi fratres ipsam perderent et amitte- rent, extunc ipso facto ad penam ducentarum librarum hallen- sium ipsis volumus obligari, pro qua pena observanda omnia bona nostra in villa Niveren, Worm. dioc., ita quod de illis ducentis libr., omni fraude et dolo exclusis, indempnes reddan- tur, voluntarie obligamus. Renunciamus etiam quoad ipsos fra- tres et eorum successores omnibus litteris impetratis et impe- trandis, omni quoque iuris auxilio canonici vel civilis.

Testes huius facti sunt: Fridericus de Mekenheim miles; Richelmannus; Conradus Holderbaum; Iacobus Mar gravius, cives Wormacienses. Sigelo advocatus de Bokenheim. Frideri- cus de Mauwenheim. Sigelmannus Biber. Conradus scultetus de Karlebach. Et Heinricus filius advocati de Bokenheim.

In cuius rei testimonium presentem litteram sigillo nostro, Gerhardi prepositi sancti Pauli Worm., et Symonis prepositi in Hegenehe, quibus ego Fridericus iunior quia sigillo careo sum contentus, dedimus roboratam et petivimus roborari. Nos Gerhardus prepositus ecclesie sancti Pauli Worm., et Symon prepositus in Hegenehe ad peticionem nobilium virorum comi- tum predictorum presentem litteram sigillis nostris in testimo- nium dedimus roboratam. Datum in vigilia beati Iohannis bap- tiste, anno domini m.cc.lxxxv.