157

Christi ritter geworden sind und unter der fahne des herrn die heidnischen volker bekampfen, die von seinen vorfahren am reich erhaltenen privilegien freiheiten und rechte. Neuss, 1257 nov. 28.

Ricardus dei gracia Romanorum rex semper augustus. Uni- versis sacri imperii Romani fidelibus presentes litteras inspecturis in perpetuum. Cum regalis dignitas omnium religionum genera sub umbra sue protectionis manutenere debeat et specialiter de- fensare, fratres domus sancte Marie Theutonicorum qui dimissa seculari militia facti sunt milites Iesu Christi et sub vexillo do- mini regulariter militantes pro redemptoris amore se morti pugnando cum barbaris nationibus tradere non formidant tanto debent attentius in omnibus confoveri quanto gloriosius pro de- fensione Christi nominis noscuntur in castris dominicis militare. Nos itaque predictorum fratrum devotis supplicationibus inclinati ad imitationem divorum imperatorum et regum predecessorum nostrorum omnia privilegia immunitates libertates iura et exem- ptiones quaslibet eisdem fratribus a predictis predecessoribus nostris pie concessa eisdem et per eos eorum ordini auctoritate regalis culminis confirmamus, ipsos et universa eorum bona que in presenti rationabiliter possident vel iustis modis largitione regum concessione principum vel alio iusto modo in futurum prestante domino poterunt adipisci sub nostra et imperii pro- tectione liberaliter admittentes. Quare universis et singulis di- stricte precipimus et mandamus quatinus predicta privilegia im- munitates iura et exemptiones predictis fratribus firma et incon- vulsa perpetuo teneant et observent nec eosdem fratres contra hanc confirmationem et protectionem nostram impedire presu- marit vel etiam molestare. Quod qui facere presumpserit gra- vem indignationem celsitudinis nostre se noverit incursurum. Datum Nussie, xxvm. die novembr., indictione prima; anno domini m.cc.l. septimo, regni vero nostri anno primo.