In nomine domini, amen. Universis etc. Cum nos Erne stus de Burchenszeim miles et Aleidis uxor nostra haberemus Heinricum dictum Brange de Burchinszeim vasallum ex causa bonorum subscriptorum que a nobis tenebat in feodum, nos attendentes favorem dicti Heinrici et eciam utilitatem acce- dentem nobis ex contractu subscripto, vendicionem quam idem Heinricus fecit . . commendatori et fratribus domus Theuto- nice in Confluentia de bonis et feodo que a nobis tenuit, ra- tam et gratam habentes eidem vendicioni nostram auctoritatem et voluntatem benivolam pro nobis et nostris tenore presentium inter- ponimus et consensum, ex eo autem maxime quia idem Hein ricus loco eorundem bonorum feodalium nobis alia bona me- liora et magis utilia subrogavit, et eandem vendicionem et nostri interposicionem consensus sibi asseruit non modicum fructuosam. Unde nos ad preces predicti Heinrici promittimus pro nobis et nostris heredibus dictis . . commendatori et fra tribus stipulantibus contra vendicionem predictam per nos vel per alium aliquatenus ncc facere ne�? venire. Bona autem ven- dita predicta sita sunt in terminis ville de Lunche et sunt omnia que dictus Heinricus a nobis tenebat et habebat in dicta villa sive in campis ville eiusdem; bona autem que ex ad verso loco bonorum venditorum idem Heinricus nobis subro gavit sunt talia, scilicet quedam particula prati sita apud fon- tem acetosum iuxta Burgenzeim, item tres particule pratorura site apud ripam in Wigenrot, que particule nobis subrogate nobis et nostris heredibus tum ratione situs tum et utilitatis utiliores existere dinoscuntur. In cuius rei testimonium nos predicti coniuges et Heinricus predictis . . religiosis dedimus presens scriptum sigillatum ad preces nostras sigillis religio- sorum virorum Theoderici abbatis monasterii de lacu et En gelberti prioris de Luuche Trevir. dyoc. Et nos . . abbas et . . prior predicti recognoscimus predicta omnia et singula acta

430

et habita coram nobis et ad preces predictorum . . coniugum gigilla nostra presentibus appendisse. Datum Confluentie, in assumptione beate virginis Marie, anno domini m.cc. nonage- simo tercio.