Arnoldus dei gracia Trevirorum archiepiscopus. Notum esse volumus tam presentibus quam futuris, quod cum dilectus con- sanguineus noster Th. dictus iunior filius quondam domini Sa- lentini de Ysenburch viris religiosis preceptori et fratribus do- mus Teutonice in Confluentia super quibusdam possessionibus eorum in Malendre et earum limitatione moveret questionem et multipliciter super eis molestaret eosdem; tandem medianti- bus qnibusdam viris nobilibus et honestis taliter exstitit inter eos ordinatum, quod predictus dominus Th. contentus esse de- bet terminis illis circa possessiones easdem, qui per agrimensores

147

iuratos aliquando declarati fuerant et distincti per demonstratio- nem et passus pedum eorum secundum terre consuetudinem approbatam. Et renunciavit predictus dominus Th. omni iuri quod sibi contra prefatos fratres competebat vel competere vi- debatur, promittens per legitimam stipulationem pro se et he- redibus suis, filiis, nepotibus ac aliis quibuscunque cognatis, quod nullam deinceps super dictis rebus movebit questionem. In cuius rei memoriam et perpetuam firmitatem presens instru- mentum nos sigillo nostro una cum sigillo fratris nostri domini Th. senioris de Yseuburch, qui mediator exstiterat huius rei, memo- ratis fratribus tradimus communitum. Et ego dictus dominus Th. iunior de Ysenburch in hanc formam consensisse ac omnia me ratum habiturum cum appensione sigilli nostri protestor. Acta sunt hec in Malendre sub presencia honestorum virorum Bertrammi de Gulse; Rudolfi de Insula; et Ludewici de We- zelenbach; et Heinrici de Bascenheim, militum, et Heinrici dicti Bomundi, Hermanni dicti Cottere et aliorum multorum villanorum de Malenderen. Anno domini m.cc.l.iiii. , octavo kal. septembris.