C. In nomine sancte et individue trinitatis. Fridericus se- cundus divina favente clementia Romanorum rex, semper augu- stus et rex Sicilie. Inter varia humane sollicitudinis exercicia ea nobis proficere ac prevalere ad anime salutem confidimus, que Christiane religioni de clementia nostra conferimus et ec- clesiis ac religiosis personis ad fidem catholicam ampliandam misericorditer elargimur. Hac igitur inducti consideratione lau

71

dabili diligentius attendentes religionem et honestatem fratrum hospitalis sancte Marie Theotonicorum in Ierusalem pro remedio quoque anime mee et divorum augustorum felicis memorie pa- tris et matris nostre, donationem quam Otto venerabilis Wirzi- burgensis episcopus et capitulnm eiusdem ecclesie hospitali predicto fecerunt de curia in civitate Wirziburgensi ultra Mogum iuxta monasterium Scotorum cum curtibus ad ipsam curiam per- tinentibus constituta, que olim fuit Friderici avi et domini Hen- rici patris nostri felicium augustorum recolende memorie, in per- petuum confirmamus. De habundatiori quoque gratia nostra et celsitudinis munificentia, quicquid iuris in ipsa curia vel in curiis ad eam pertinentibus habemus vel habere videmur, eidem hos pitali et fratribus supradictis liberaliter elargimur. Statuentes et presentis privilegii auctoritate firmiter iniungentes, ut nulla omnino persona parva vel humilis ecclesiastica vel secularis hospitale predictum et fratres de prenominata curia sive curti bus ad eam pertinentibus, et rationibus que ad nos exinde spectare noscuntur, inpedire aut molestare presumat. Quod qui presumpserit, in sue temeritatis vindictam indignationem no- stram et penam centum librarum auri puri se noverit incursu- rum, medietatem camere nostre et alteram medietatem passis iniuriam persolvendam. Ut autem hec nostra confirmatio et concessio robur semper obtineat perpetue firmitatis, presens privilegium inde fieri et sigillo maiestatis nostre' iussimus com- muniri.

Huius rei testes sunt: Berardus Panormitanus, et Nicolaus Tarentinus archiepiscopi. Cuonradus Triestinus, lacobus Patten- sis et Bartholomeus Siracusanus episcopi. Iohannes abbas Ca- semarii. Rainaldus dux Spoleti. Cunradus dapifer de Walpurc, et alii quam plures.

Signum domini Friderici secundi dei gratia invictissimi Romanorum imperatoris semper augusti (M.) et re gis Sicilie.

Acta sunt hec anno dominice incarnationis millesimo ducente simo vicesimo quarto, mense februarii, duodecime indictionis. Imperatore domino nostro Friderico secundo dei gratia invic- tissimo Romanorum imperatore semper augusto et rege Sicilie; anno romani imperii eius quarto, regni vero Sicilie vicesimo sexto. Feliciter, amen. Datum Cathanie, anno mense et indic- tione prescriptis.

72